గుంటూరు జిల్లాలో దేవాలయంపై దాడి

దిశ, వెబ్ డెస్క్: ఏపీలో దేవాలయాలపై దాడులు కొనసాగుతూనే ఉండడం చర్చనీయాంశంగా మారింది. గుంటూరు జిల్లాలోని ఓ ఆలయంలో జరిగిన ఘటన ఆలస్యంగా వెలుగులోకి వచ్చింది. వెల్దుర్తి మండల కేంద్రం నుండి గుండ్లపాడు వెళ్లే దారిలో కొండపైన ఉన్న నాగమయ్య గుడిలో దేవతా ప్రతిమలను గుర్తు తెలియని దుండగులు ధ్వంసం చేశారు.

ఈ దేవాలయం ఊరికి చివర కొండపై ఉంటుంది. ఆదివారం భక్తుల తాకిడి ఎక్కువగా ఉండటంతో గుడికి వెళ్లిన భక్తులు ధ్వంసం అయిన విగ్రహాలను చూసి పోలీసులకు సమాచారం అందించారు. ఈ ఘటనపై పోలీసులు విచారణ చేపట్టారు.