మసాజ్ సెంటర్లు, స్పాలపై కాల్పులు

దిశ, వెబ్ డెస్క్ : మొన్న చికాగోలో కాల్పుల ఘటన మరవక ముందే అమెరికాలో మరోసారి కాల్పుల కలకలం రేపింది. అంట్లాంటా, అక్వర్త్ రెండు వేర్వేరు ప్రాంతాల్లోని మూడు మసాజ్ సెంటర్లలో మంగళవారం సాయంకాలం వేళ ఈ కాల్పులు జరిగాయి. మొదటగా అక్వర్త్‌లోని యంగ్ ఏసియన్ మసాజ్​ సెంటర్​ వద్ద దుండగులు జరిపిన కాల్పులలో ఇద్దరు చనిపోగా, నలుగురు తీవ్రంగా గాయపడ్డారు. దీంతో వారిని అత్యవసర చికిత్స నిమిత్తం ఆస్పత్రికి తరలించగా మార్గం మధ్యలో మరో ఇద్దరు మృతి చెందారు.

సాయత్రం 6.00 గంటల ప్రాంతంలో అట్లాంటాలోని మరో రెండు మసాజ్​ సెంటర్ల వద్ద దుండగులు కాల్పులు జరిపారు. ఈ కాల్పుల్లో నలుగురు మహిళలు మరణించారు. అయితే మొత్తం 8 మంది చనిపోయారని ఇందులో ఎక్కువగా ఆసియా మహిళలే ఉన్నారని చెరోకి కౌంటీ పోలీసులు వెల్లడించారు. అనంతరం పోలీసులు ఘటనా స్థలానికి చేరుకుని పరిశీలించారు. రాబర్ట్ అరన్ లాంగ్ అనే వ్యక్తిపై అనుమానంతో పోలీసులు అతడిని అదుపులోకి తీసుకున్నారు.