మా డాడీ బ్యాడ్ బాయ్ : స్టార్ హీరో కొడుకు వీడియో వైరల్
దిశ, సినిమా : కన్నడ రాక్‌స్టార్‌ యశ్ 'కే‌జీ‌ఎఫ్' సినిమాలోనే కాదు ఇంట్లో కూడా బ్యాడ్ బాయ్‌గా ఉంటాడని తెలుస్తోంది. ఈ విషయాన్ని స్వయంగా తన కొడుకే చెబుతున్నాడు. విషయానికొస్తే.. యశ్ ప్రస్తుతం ఇంట్లోనే భార్యా పిల్లలతో సరదాగా గడుపుతూ హాలీడేస్‌ ఎంజాయ్‌ చేస్తున్నాడు. అంతేకాదు వాళ్లను ఆటపట్టిస్తున్న ఫొటోలు, వీడియోలను ఆయన భార్య రాధిక పండిట్‌ నెట్టింట పోస్ట్ చేయగా తెగ వైరల్ అవుతున్నాయి.
ఈ క్రమంలోనే తనయుడు యథర్వ్‌ ఏడుస్తున్న క్యూట్‌ వీడియోను అభిమానులతో పంచుకుంది. ఇందులో పిల్లాడిని యశ్ ఏడిపించినట్టు తెలుస్తుండగా.. అమ్మను హత్తుకుని ఏడుస్తూ 'డాడీ బ్యాడ్ బాయ్' అంటుంటే యశ్ మాత్రం 'గుడ్‌ బాయ్' అని వాదిస్తున్నాడు. అయినా వినకుండా 'నో డాడీ బ్యాడ్.. మమ్మీ గుడ్‌' అంటూ కన్నీళ్లు పెట్టుకున్న ఫన్నీ వీడియో గంటలోనే లక్షల్లో వ్యూస్ పొందడం విశేషం.
Advertisement
Next Story
