Anchor Anasuya: జబర్దస్త్ నుంచి తప్పుకున్న యాంకర్ అనసూయ!!

దిశ, సినిమా : Will Anchor Anasuya Quit Jabardasth Comedy Show| ఈటీవీలో ప్రసారమయ్యే 'జబర్దస్త్' కామెడీ షో.. చాలామంది కమెడియన్స్‌కు లైఫ్ ఇచ్చింది. ఈ షో ద్వారా పాపులరైన వారు ఇప్పుడు సినిమాల్లోనూ ఆఫర్స్ దక్కించుకుంటున్నారు. అయితే ఒకప్పుడు అత్యధిక టీఆర్పీ రేటింగ్స్‌తో దూసుకుపోయిన ఈ షో.. ప్రస్తుతం పూర్వ వైభవం కోల్పోయింది. జడ్జి నాగబాబు వెళ్లిపోయిన తర్వాత పూర్తిగా కళ తప్పిపోయింది. ఇప్పుడు రోజా కూడా వెళ్లిపోవడంతో అవుట్ పుట్ కూడా పడిపోయింది. అయినప్పటికీ సీనియర్ హీరోయిన్లను జడ్జిలుగా తీసుకొచ్చి కొత్తదనం నింపే ప్రయత్నం చేస్తున్నారు మేకర్స్.

ఇదిలా ఉంటే.. హాట్ యాంకర్ అనసూయ తాజాగా జబర్దస్త్ సెట్స్ నుంచి కొన్ని చిత్రాలను పోస్ట్ చేసింది. అయితే ఆమె సడెన్‌గా ఈ పిక్స్‌ను షేర్ చేసి, ''నా కెరీర్‌ పరంగా చాలా పెద్ద నిర్ణయం తీసుకున్నా. చాలా మెమొరీస్ నా వెంట తీసుకెళ్తున్నా. అందులో ఎన్నో తీపి జ్ఞాపకాలు ఉండగా.. కొన్ని చేదు అనుభవాలు కూడా ఉన్నాయి. కాకపోతే ఎప్పటిలాగే మీ ఆదరణ నాపై ఉంటుందని భావిస్తున్నా'' అని నోట్ జోడించడం చూస్తుంటే తను కూడా జబర్దస్త్‌కు హ్యాండ్ ఇచ్చేలా ఉంది. కానీ తాను ఈ షో నుంచి వైదొలుగుతున్నట్లు ఎక్కడా సూటిగా చెప్పలేదు. బహుశా ఆమె చివరి ఎపిసోడ్‌కు టీఆర్‌పీ రేటింగ్స్ ఎక్కువ వస్తాయని ఈ వార్తను గుట్టుగా పెట్టారేమోనని నెటిజన్లు భావిస్తున్నారు.