ఇండస్ట్రీ హాట్ టాపిక్.. త్రివిక్రమ్-మహేష్ కాంబో మూవీ స్టార్ట్ అప్పుడే..?

దిశ, వెబ్‌డెస్క్: టాలీవుడ్ ప్రేక్షకులు ఎంతగానో ఎదురుచూస్తున్న కాంబో త్రివిక్రమ్-మహేష్. ఈ కాంబో మూవీ ప్రస్తుతం ఇండస్ట్రీ హాట్ టాపిక్. కానీ ఈ మూవీ ఎప్పుడు లాంచ్ అవుతుందన్నది మాత్రం క్లారిటీ లేదు. అసలు ఈ సినిమాపై త్రివిక్రమ్ ఎప్పటి నుంచి దృష్టి పెడతారనేది సోషల్ మీడియాలో తెగ చర్చలు జరుగుతున్నాయి. దీనిపై క్లారిటీ కోసం అభిమానులు జుట్టు పీక్కుంటున్నారు. అయితే తాజాగా ఈ మూవీ గురించి నెట్టింట ఓ వార్త తెగ హల్‌చల్ చేస్తోంది. ప్రస్తుతం పవర్ స్టార్ పవన్ కల్యాణ్ తమిళ సినిమా 'వినోదయ చిత్తం' అనే సినిమా రీమేక్ చేయనున్నాడు.

ఈ మూవీని తమిళ దర్శకుడు సముద్రఖని డైరెక్ట్ చేయనున్నాడు. ఈ మూవీలో టైం అనే వ్యక్తి పాత్రలో పవన్ చేయనున్నాడని, మరో కీ రోల్‌లో సాయి ధరమ్ తేజ్ నటిస్తున్నాడని టాక్ నడుస్తోంది. అయితే ఈ సినిమా కథను తెలుగు ప్రేక్షకులకు తగ్గట్టు మార్చే పనిని మరోసారి త్రివిక్రమ్‌కు అప్పగించినట్లు తెలుస్తోంది. ఈ సినిమా పూర్తయిన వెంటనే మహేష్‌తో చేయనున్న మూవీపై త్రివిక్రమ్ దృష్టి పెట్టనున్నాడని ఇండస్ట్రీలో గుసగుసలు వినిపిస్తున్నాయి. మరి దీనిపై త్వరలో ఏమైనా క్లారిటీ వస్తుందేమో చూడాలి.