'యానిమల్'లో ఛాన్స్ కొట్టేసిన శ్రీవల్లి.. ట్వీట్ వైరల్

దిశ, సినిమా : నేషనల్ క్రష్ రష్మిక మందన్న ఫ్యాన్స్‌కు గుడ్ న్యూస్. తను 'యానిమల్' సినిమాలో నటించబోతుందంటూ కొద్దిరోజులుగా టాక్ వినిపిస్తున్న టాక్ ఇప్పుడు నిజమైంది. ఈ చిత్ర దర్శకుడు సందీప్ రెడ్డి వంగా.. యానిమల్ వరల్డ్‌లోకి రష్మికను ఆహ్వానిస్తూ స్పెషల్‌గా ట్వీట్ చేశాడు. దీంతో ఫ్యాన్స్ ఫుల్ ఖుష్ అవుతున్నారు.

క్రైమ్ డ్రామాగా తెరకెక్కుతున్న 'యానిమల్'లో రణ్‌బీర్ కపూర్, అనిల్ కపూర్, బాబీ డియోల్ ప్రధాన పాత్రల్లో కనిపించనున్న సంగతి తెలిసిందే. ఈ చిత్రంలో ముందుగా పరిణీతి చోప్రాను హీరోయిన్‌గా ప్రకటించినప్పటికీ కొన్ని కారణాలవల్ల తప్పుకుందని, అందుకే రష్మికను ఎంచుకున్నట్లు మేకర్స్ తెలిపారు. ఇక ఉగాది సందర్భంగా మూవీ అప్‌డేట్ ప్రకటిస్తూ 2023 ఆగస్ట్ 11న రిలీజ్ చేయనున్నట్లు తెలిపారు. కాగా T-సిరీస్, సినీ1 స్టూడియోస్, భద్రకాళి పిక్చర్స్ బ్యానర్‌ ఈ సినిమాను సంయుక్తంగా నిర్మిస్తున్నాయి.

❤️ let's do thisssss @imvangasandeep ! 💣🔥 https://t.co/Q3n8pc4lxC

— Rashmika Mandanna (@iamRashmika) April 2, 2022