Tripti Dimri: ‘తను అందులో శిక్షణ తీసుకోవాల్సిందే’. యానిమల్ బ్యూటీపై విమర్శలు గుప్పించిన ఉర్ఫీ..?
దిశ, వెబ్‌డెస్క్: యానిమల్(Animal) చిత్రంతో ఓవర్ నైట్ స్టార్ అయిపోయింది త్రిప్తి డిమ్రి(Tripti Dimri). ఈ సినిమాలో ఈ అమ్మడు నటనకు యువత ఫిదా అయిపోయారనడంతో ఎటువంటి అతియోక్తిలేదు. యానిమల్ మూవీలో నేషనల్ క్రష్‌గా గుర్తింపు సొంతం చేసుకున్న ఈ బ్యూటీ ప్రజెంట్ హిందీలో వరుస సినిమాల్లో అవకాశాలు దక్కించుకుంటోంది. ఇకపోతే తాజాగా త్రిప్తి డిమ్రిపై నటి ఉర్ఫీ జావేద్(Urfi Javed) విమర్శలు గుప్పించింది. తాజాగా ఓ ఇంటర్వ్యైకు హాజరైన ఈమె బాలీవుడ్ బ్యూటీ త్రిప్తిపై ఆసక్తికర కామెంట్లు చేసింది. కుర్ర హీరోయిన్ త్రిప్తి అంటే చాలా ఇష్టమని తెలిపింది. తను చాలా బాగుంటుందని, వేసుకునే బట్టలు కూడా బాగా నచ్చుతాయని వెల్లడించింది.
కాగా ఈ అమ్మడును చూసి ఫ్యాషన్ ప్రియులు అట్రాక్ట్ అవుతున్నారని పేర్కొంది. మీకు ఏ హీరోయిన్ చేసే డాన్స్ అంటే ఇష్టముండదని ప్రశ్నించగా.. తన ఫేవరెట్ హీరోయిన్ త్రిప్తి డ్యాన్స్ నచ్చదని చెప్పింది. విక్కీ విద్యా కా వో వాలా వీడియో మూవీలోని త్రిప్తి వేసిన స్టెప్పులు బాగోలేవని వెల్లడించింది. కాగా తను డ్యాన్స్ కోసం శిక్షణ తీసుకోవాలని చెప్పింది. తప్పకుండా డ్యాన్స్ క్లాస్ లకు వెళ్లడం మంచిదని చెప్పింది. అంతా బాగానే మాట్లాడి లాస్ట్ లో తనకిష్టమైన హీరోయిన్ డాన్స్ బాలేదంటూ విమర్శించడం బాలేదంటూ నెటిజన్లు అభిప్రాయపడుతున్నారు. ప్రస్తుతం ఫ్యాషన్ పై తనకున్న ఇష్టంతో తరచూ నెట్టింట హైలెట్ గా నిలిచే ఉర్ఫీ వ్యాఖ్యలు వైరల్ అవుతున్నాయి.
