Karnataka: బీజేపీ నేత హత్య కేసులో ఇద్దరు అరెస్ట్

బెంగళూరు: Two Were Arrested in Karnataka BJP Youth wing Leader's Murder| బీజేపీ యువజన విభాగం నాయకుడు ప్రవీణ్ నెట్టేరు హత్య కేసులో పోలీసులు ఇద్దరు వ్యక్తులను గురువారం అరెస్ట్ చేశారు. బెల్లారెకు చెందిన ఈ ఇద్దరు సాక్ష్యాధారాలతో అరెస్ట్ చేసినట్లు అడిషనల్ డీజీపీ అలోక్ కుమార్ తెలిపారు. నిందితులు జకీర్, షఫీక్‌లకు పాపులర్ ఫ్రంట్ ఆఫ్ ఇండియాతో సంబంధాలు ఉన్నాయని, అయితే ఏ ఉద్దేశంతో హత్య చేశారనే విషయంపై విచారణ జరుపుతున్నామని పోలీసులు తెలిపారు. విచారణ తర్వాత మరిన్నీ వివరాలు తెలిసే అవకాశం ఉందన్నారు. కాగా, దక్షిణ కన్నడలోని బీజేపీ యువ మోర్చా జిల్లా కార్యదర్శి ప్రవీణ్ నెట్టేరు (32 ఏళ్లు)ను గుర్తు తెలియని వ్యక్తులు బైక్‌పై తరుముతూ నరికి చంపారు. దీంతో పోలీసులు కేసు నమోదు చేసుకుని విచారణ చేపట్టిన విషయం తెలిసిందే.

ఈ మేరకు ముగ్గురు వ్యక్తులను, కేరళ రిజిస్ట్రేషన్ నంబర్‌ను కలిగిన బైక్‌ను పోలీసులు సీసీ ఫుటేజీలో గుర్తించారు. ప్రభుత్వం ప్రత్యేక బృందాలను ఏర్పాటు చేసి.. కర్ణాటక సరిహద్దు రాష్ట్రాల్లో నిందితుల కోసం గాలింపు చర్యలు చేపట్టారు. ప్రవీణ్ ప్రాణాలు కాపాడటంలో ప్రభుత్వం విఫలమైందని బీజేపీ కార్యకర్తలు రాష్ట్రవ్యాప్తంగా భారీ నిరసనలు చేపట్టారు. అయితే ఈ హత్య వెనకాల పాపులర్ ఫ్రంట్ ఆఫ్ ఇండియా, సోషల్ డెమోక్రటిక్ పార్టీ ఆఫ్ ఇండియా హస్తం ఉందని ఆరోపణలు వినిపిస్తున్నాయి.

ఇది కూడా చదవండి: బండిలో స‌రిపోనూ పెట్రోల్ లేక‌పోతే రూ.250 ట్రాఫిక్ చలాన్‌!!