'మహాభారతం'పై రాజమౌళి ఇంట్రెస్టింగ్ కామెంట్స్

దిశ, సినిమా: ఆర్ఆర్ఆర్ తర్వాత మహేష్ బాబుతో ప్రాజెక్ట్ కమిట్ అయిన జక్కన్న.. తన ఫ్యూచర్ ప్రాజెక్ట్ గురించి కూడా చెప్పేశాడు. ఇటీవల ఓ ఇంటర్వ్యూలో మాట్లాడిన ఆయన.. భారతీయ సంస్కృతి సంప్రదాయాలు, పురాణ ఇతిహాసాలపై ఎనలేని గౌరవం ఉందని చెప్పుకొచ్చాడు. భారతీయ కథలను ప్రపంచం ముందుంచేందుకు ఎప్పుడూ ముందుంటానన్న ఆయన.. 'మహాభారతం' తన కలల ప్రాజెక్ట్ అని పేర్కొన్నాడు. కానీ ఈ ప్రాజెక్ట్ సముద్రం లాంటిదని, ఇందులోకి అడుగుపెట్టేందుకు చాలా సమయం పడుతుందన్నారు. మూడు, నాలుగు సినిమాల తర్వాతే ఈ ప్రాజెక్ట్ ప్రారంభించాలని అనుకుంటున్నట్లు తెలిపారు.