రాజకీయం, దోపిడి, గుండాయిజం జరిగింది జరిగినట్లుగా చూపిస్తాం..
దిశ, సినిమా: బాలీవుడ్ సీనియర్ నటి సోహా అలీఖాన్‌.. ప్రముఖ న్యాయవాది దివంగత రామ్‌ జెఠ్మలానీ బయోపిక్ తెరకెక్కించబోతున్నట్లు తెలిపింది. ఈ మేరకు తాజాగా ఓ మీడియా సమావేశంలో పాల్గొన్న ఆమె.. మూడేళ్ల నుంచి ఈ ప్రాజెక్ట్‌ను పట్టాలెక్కించేందుకు ప్రయత్నాలు జరుగుతున్నాయని చెప్పింది.
అంతేకాదు దాదాపు 70ఏళ్ల పాటు న్యాయవాద వృత్తిలో పనిచేసిన జెఠ్మలానీ.. అనేక మంది రాజకీయ నేతలు, దోపిడీదారులు, గుండాలకు వ్యతిరేకంగా పని చేశాడని, కాబట్టి ఆయన ఆత్మకథ తెరకెక్కించే విషయంలో ఎక్కడా తగ్గకుండ చిత్రీకరించనున్నట్లు స్పష్టం చేసింది. అలాగే ఇందుకు సంబంధించిన స్క్రిప్ట్‌ కూడా 90శాతం పూర్తయిందని, త్వరలోనే దీన్ని సెట్స్‌పైకి తీసుకెళ్లనున్నట్లు చెప్పిన నటి.. జెఠ్మలానీ పాత్రలో తన భర్త, నటుడు కునాల్‌ కనిపించనున్నట్లు పేర్కొంది. ఇక ఇందుకు సంబంధించిన పూర్తి వివరాలు త్వరలోనే వెల్లడిస్తామని తెలిపింది సోహా.
