Shraddha Kapoor: వార్-2 ఐటెం సాంగ్‌లో ప్రభాస్ బ్యూటీ..
దిశ, సినిమా: ఇటీవల ‘దేవర’(Devara) సినిమాతో బ్లాక్ బస్టర్ హిట్ అందుకున్న ఎన్టీఆర్(NTR).. ప్రజెంట్ బాలీవుడ్ మూవీ ‘వార్ 2’(War-2) తో బిజీగా ఉన్నాడు. అయాన్ ముఖేర్జీ (Ayan Mukherjee) దర్శకత్వంలో తెరకెక్కుతున్న ఈ చిత్రంలో హృతిక్ రోషన్(Hrithik Roshan) హీరోగా నటిస్తుండగా.. ఎన్టీఆర్ కీలక పాత్రలో కనిపించనున్నాడు. ఈ మూవీ వచ్చే ఏడాది ఆగస్టు 14న రిలీజ్ చేసేందుకు సన్నాహాలు చేస్తున్నారు చిత్ర బృందం. ఇక ఎన్టీఆర్ (NTR), హృతిక్ (Hrithik Roshan) కాంబో యాక్షన్ కోసం సినీ ప్రేమికులు ఎంతో ఈగర్‌గా ఎదురుచూస్తుండగా.. ప్రస్తుతం ఈ సినిమా షూటింగ్ శరవేగంగా జరుగుతోంది.
ఇందులో భాగంగా ఇటీవల ముంబై (Mumbai)లో పలు కీలక సన్నివేశాలు చిత్రీకరించినట్లు తెలుస్తుండగా.. త్వరలో ఎన్టీఆర్ (NTR), హృతిక్ కలయికలో భారీ యాక్షన్ సీన్స్ షూట్ చేసేందుకు (huge action scenes) ప్లాక్ చేస్తున్నారట చిత్ర బృందం. అంతే కాకుండా.. ఇదే సమయంలో ఒక మాస్ మసాలా సాంగ్‌ను కూడా రెడీ చేసేందుకు చూస్తున్నారని టాక్. అయితే.. ఈ సాంగ్ కోసం బాలీవుడ్ స్టార్ (Bollywood Star) హీరోయిన్ శ్రద్ధా కపూర్ (Shraddha Kapoor)ను మేకర్స్ సంప్రదించారట. శ్రద్ధా తాజాగా ‘స్త్రీ 2’ బ్లాక్ బస్టర్ హిట్ అందుకున్న విషయం తెలిసిందే. అందుకే శ్రద్ధా ‘వార్-2’ లో స్పెషల్ సాంగ్‌లో కనిపిస్తే మూవీను ప్రేక్షకులకు మరింత చేరువ చేసే అవకాశాలు ఉంటాయని భావించిన చిత్ర బృందం ఆమెను సెలెక్ట్ చేశారని బాలీవుడ్ వర్గాల నుంచి టాక్ వినిపిస్తోంది. అయితే.. దీనిపై అఫీషియల్ అనౌన్స్‌మెంట్ రావాల్సి ఉంది.
