విజయ్‌ దేవరకొండ వదిలిన 'సెబాస్టియన్ పి.సి. 524'

దిశ, సినిమా: కిరణ్ అబ్బవరం హీరోగా బాలాజీ సయ్యపురెడ్డి దర్శకత్వంలో తెరకెక్కిన చిత్రం 'సెబాస్టియన్ పి.సి. 524'. తాజాగా ఈ మూవీ ట్రైలర్‌ను రౌడీ హీరో విజయ్ దేవరకొండ రిలీజ్ చేశారు. రేచీకటి తో బాధపడే యువకుడు కానిస్టేబుల్ ఉద్యోగంలో ఎలాంటి సవాళ్లను ఎదుర్కొన్నాడో చూపిస్తూ ఆసక్తి రేకెత్తించిన ఈ ట్రైలర్‌ ఆద్యంతం హిలేరియస్‌గా సాగింది. 'అన్నో.. ఏందన్న అంతా చీకటిగా ఉండాది' అనే వాయిస్‌ ఓవర్‌తో మొదలైన ట్రైలర్‌లో 'చీకటా.. వాడమ్మ.. అండర్ ది కంట్రోల్ ఆఫ్ సెబాస్టియన్. ఇక్కడ వీచే గాలి, లేని వెలుతురు, ఉన్న చీకటి సాక్షిగా' అంటూ హీరో చెప్పే నాన్‌స్టాప్ డైలాగ్ అభిమానులను ఆకట్టుకుంటోంది. ఇక మార్చి 4న విడుదల కానున్న చిత్రంలో కిరణ్ సరసన కోమలి ప్రసాద్ నటిస్తుండగా.. జ్యోవిత సినిమాస్ బ్యానర్‌పై ఎలైట్ ఎంటర్‌టైన్‌మెంట్స్ సమర్పణలో బి. సిద్ధారెడ్డి, రాజు, ప్రమోద్ సంయుక్తంగా నిర్మించారు.