సాయిపల్లవి గార్గి సినిమా ప్రముఖ ఓటీటీ లో రిలీజ్..

దిశ, వెబ్‌డెస్క్ : టాలీవుడ్ లో లేడీ పవర్ స్టార్ సాయి పల్లవి ఫిదాతో టాలీవుడ్ లోకి ఎంట్రీ ఇచ్చిన విషయం అందిరికీ తెలిసిందే కాగా వరుస హిట్లతో దూసుకుపోతోంది. విరాట పర్వం సినిమా మంచి పాజిటివ్ రెస్పాన్స్ రాగా ఆ తర్వాత జూలై 15న విడుదలైన సినిమా గార్గి. ఈ సినిమాకు గౌతమ్ రామచంద్రన్ దర్శకత్వం వహించగా గోవింద్ వసంత సంగీతం అందించారు. తమిళ హీరో కాళీ వెంకట్ సాయిపల్లవి సరసన నటించారు. ఈ సినిమా తెలుగు తో పాటు గా తమిళంలో కూడా విడుదల చేశారు. గార్గి లో టీచర్ గా నటించిన సాయి పల్లవి తన తండ్రిని కాపాడుకునేందుకు మధ్య తరగతి యువతి పాత్రలో ఒదిగిన పోయిన తీరు సినీ ప్రేక్షకులను ఆకట్టుకుంది. గార్గి సినిమా ఎప్పుడు ఓటీటీలో వస్తుందా అని చాలా మంది సినీ అభిమానులు వెయిట్ చేస్తున్నారు. గార్గి చిత్ర బృందం తో ప్రముఖ ఓటీటీ ప్లాట్ ఫామ్ 'సోనీ లీవ్' ఒప్పందం కుదుర్చుకున్నట్లు తెలుస్తోంది. నాలుగు వారాల తర్వాత ఓటీటీ లోకి రానున్నట్లు సినీ వర్గాల నుంచి వస్తున్న సమాచారం.