RP Patnaik: ఆర్పీ పట్నాయక్ స్టడీస్ గురించి విన్నారా.. అబ్దుల్ కలాం దగ్గర ఉండేవాడు..?
దిశ, వెబ్‌డెస్క్: మ్యూజిక్ డైరెక్టర్ ఆర్పీ పట్నాయక్(RP Patnaik) పదేళ్ల పాటు బ్లాక్ బస్టర్ చిత్రాలకు సంగీతాన్ని అందించారు. అంతేకాకుండా సాంగ్స్ కూడా ఇచ్చారు. డైరెక్టర్ గా అనేక మూవీలు ప్రేక్షకుల ముందుకు తీసుకొచ్చాడు. ఈయన చేసిన ప్రతి సాంగ్ సూపర్ హిట్ గా నిలిచిందని చెప్పుకోవచ్చు. ప్రజెంట్ ఆర్పీ పట్నాయక్ అడపాదడపా మూవీస్ చేస్తున్నారు. ఇకపోతే ఈ సంగీత దర్శకుడి గురించి ఓ వార్త సోషల్ మీడియాలో వైరల్ అవుతోంది. ఈయన కేవలం యాక్టింగ్, మ్యూజిక్ డైరెక్టర్(Music Director) గా చిత్ర పరిశ్రమలో గొప్ప గుర్తింపు సాధించడమే కాకుండా చదువులో కూడా బాగానే రాణించాడట ఆర్పీ. తాజాగా ఈయన ఓ ఇంటర్వ్యూకు హాజరై తన చదువు గురించి చెప్పుకొచ్చాడు.
ఆంధ్ర యూనివర్సీటీ(Andhra University)లో ఎమ్మెస్సీ స్పేస్ ఫిజిక్స్(M.Sc Space Physics) చేశానని వెల్లడించాడు. అదే కొనసాగిస్తే మాత్రం ఇప్పటికి సైంటిసట్ అయ్యేవాడినని తెలిపాడు. అబ్దుల్ కలాం(Abdul Kalam) దగ్గరో, ఇస్రో(ISRO)లోనో ఉండేవాడినన్నాడు. కానీ తప్పని పరిస్థితిల్లో సివిల్స్ ప్రిపేర్ అవ్వడానికి హైదరాబాదు పట్టణం వచ్చానని పేర్కొన్నాడు. సివిల్స్(Civils) ప్రిపేర్ అయినప్పుడు మొత్తం తెలుసుకున్నానని అన్నాడు. మొత్తం ప్రపంచాన్నే అర్థం చేసుకున్నానని ఆర్పీ చెప్పుకొచ్చాడు. అప్పటివరకు చదివిన సైన్స్ ఒక ఎత్తు అయితే రెండు సంవత్సరాలు సివిల్స్ చదివింది ఒకేత్తు అని వ్యాఖ్యానించాడు. దీంతో తన ఆలోచనలు పూర్తిగా మారిపోయాయని తెలిపాడు.
