ఆ మూవీలో నన్నెందుకు తీసుకున్నారో ఆ దేవుడికే తెలియాలి.. నేషనల్ క్రష్

దిశ, సినిమా: నేషనల్‌ క్రష్‌ రష్మిక తన అప్ కమింగ్ మూవీ 'గుడ్‌బై' గురించి అసక్తికర విషయాలు వెల్లడించింది. ఇటీవల వరుస సినిమాలతో దూసుకుపోతున్న ఆమె సిద్ధార్థ్‌ మల్హోత్రా‌తో నటించిన 'మిషన్‌ మజ్ను' విడుదలకు సిద్దంగా ఉండగానే.. మరో మూవీ 'గుడ్‌బై' కూడా ప్రేక్షకుల ముందుకు రాబోతుంది. ఈ సందర్భంగా సోషల్‌ మీడియాలో వేదికగా ఆనందం వ్యక్తం చేసిన నటి.. 'గుడ్ బై' సినిమా షూటింగ్‌కు గుడ్ బై చెప్పడం ఇష్టం లేదు. ఈ సినిమా ద్వారా అమితాబ్‌ బచ్చన్‌ సార్‌తో కలిసి పనిచేసే చాన్స్ రావడం అదృష్టంగా భావిస్తున్నా.

ప్రపంచంలో అత్యుత్తమైన నటులు, గొప్ప మనుషుల్లో ఆయనొకరు. ఇంత మంచి సినిమాలో అవకాశం కల్పించిన డైరెక్టర్‌ వికాస్‌ బహల్‌కు కృతజ్ఞతలు. నిజానికి ఈ మూవీలో నన్నే ఎందుకు తీసుకున్నారనే విషయం ఆ దేవుడికే తెలియాలి' అంటూ వివరించింది. అలాగే ఇందులో అందరూ గర్వపడేలా నటించానన్న రష్మిక.. అభిమానులంతా తన సినిమాలు చూసేందుకు సిద్ధం కావాలని, తాను కూడా ఎంతో ఆసక్తిగా ఎదురుచూస్తున్నట్లు తెలిపింది.