Ranbir Kapoor: నేను సామాజిక విలువల కోసం పోరాడే వ్యక్తినే : రణబీర్‌

దిశ, సినిమా : Ranbir Kapoor Says, He Wants to Act in Telugu Movies| బాలీవుడ్ స్టార్ హీరో రణబీర్‌ కపూర్‌ తన అప్‌కమింగ్ మూవీ 'షంషేరా'పై ప్రశంసలు కురిపించాడు. అలాగే నార్త్‌తో పాటు సౌత్ సినిమాలన్నా చాలా ఇష్టమన్న ఆయన అవకాశమొస్తే తెలుగులో ఒక సినిమా చేస్తానంటూ ఇంట్రెస్టింగ్ కామెంట్స్ చేశాడు. కరణ్‌ మల్హోత్రా దర్శకత్వంలో తను నటించిన 'షంషేరా' చిత్రం జులై 22న విడుదలవుతున్న సందర్భంగా ప్రమోషన్స్‌లో పాల్గొన్న హీరో ఈ వ్యాఖ్యలు చేశాడు. 'కరణ్‌ మల్హోత్రా ఈ మూవీ స్క్రిప్ట్‌ చెప్పగానే ఎగ్జైట్ అయ్యాను.

ఇందులో బల్లీ, షంషేరా వంటి రెండు డిఫరెంట్‌ క్యారెక్టర్స్‌ చేశాను. ముఖ్యంగా సామాజిక విలువల కోసం పోరాడే వ్యక్తిగా కనిపించడం బాగా నచ్చింది. ఇలాంటి కథల్లో నటించడాన్ని నిజంగా అదృష్టంగా ఫీల్ అవుతున్నా' అంటూ ఆనందం వ్యక్తం చేశాడు. అంతేకాదు ఈ చిత్రం ప్రేక్షకులకు మంచి అనుభూతిని పంచుతుందన్న హీరో.. సంజయ్‌ దత్‌ పోషించిన భిన్నమైన పాత్ర సినిమాకు హైలెట్ అవుతుందంటూ వివరించాడు.

ఇది కూడా చదవండి: పెళ్లికి సిద్ధమైన నిత్యామీనన్.. ఆ స్టార్ హీరో ఎవరంటే ?