హీరోను మోకాళ్లపై కూర్చోబెట్టి కొట్టిన డైరెక్టర్..

దిశ, సినిమా : బాలీవుడ్ హీరో రణ్‌బీర్ కపూర్ దర్శకుడు సంజయ్ లీలా భన్సాలీ వ్యక్తిత్వంపై ఇంట్రెస్టింగ్ కామెంట్స్ చేశాడు. భన్సాలీ దర్శకత్వంలో 'సావరియా' ద్వారా బాలీవుడ్ ఎంట్రీ ఇచ్చిన యంగ్ హీరో.. డైరెక్టర్ తనను మోకాళ్లపై కూర్చోబెట్టి కొట్టేవాడంటూ షాకింగ్ విషయాలు చెప్పాడు. 'సంజయ్ నా గురువు. సినిమాకు సంబంధించిన అనేక విషయాలను నేర్పించాడు. సీన్ సరిగ్గా వచ్చేందుకు కొన్నిసార్లు కొట్టాడు. మోకాళ్లపై కూర్చోబెట్టాడు.

ఇదంతా ఒక్కోసారి నాకు టార్చర్‌లా అనిపించేది. ఆయన వేధింపులు తట్టుకోలేక 'సావరియా' వదిలేద్దామనుకున్నా. కానీ, నాకు నేను సర్ది చెప్పుకున్నా. ఆ సమయంలో ఎమోషనల్, సెన్సిటివ్ వంటి విషయాలను అర్థం చేసుకున్నా' అంటూ వివరించాడు రణ్‌బీర్. ఇక సంజయ్ లీలా భన్సాలీ డెరెక్షన్‌లో తెరకెక్కిన 'బ్లాక్' సినిమాకు అసిస్టెంట్ డైరెక్టర్‌గా పనిచేసినట్లు చెప్పిన హీరో.. ఆయనతో కలిసి పనిచేయడం గొప్ప అవకాశంగా ఫీల్ అవుతున్నానని తెలిపాడు.