Allu Arjun: విడుదల కాకుండానే ‘పుష్ప-2’ ఆల్ టైమ్ రికార్డ్.. పుష్పరాజ్ క్రేజ్ మామూలుగా లేదుగా

దిశ, సినిమా: ఐకాన్ స్టార్ అల్లు అర్జున్(Allu Arjun), నేషనల్ క్రష్ రష్మిక జంటగా నటిస్తున్న పాన్ ఇండియా మూవీ ‘పుష్ప-2’(Pushpa-2). అయితే ఈ చిత్రం బ్లాక్ బస్టర్ హిట్ ‘పుష్ప’ కు సీక్వెల్‌గా రాబోతుండటంలో ప్రేక్షకుల్లో భారీ అంచనాలు నెలకొన్నాయి. ఈ సినిమాను టాలీవుడ్ స్టార్ డైరెక్టర్ సుకుమార్(Sukumar) తెరకెక్కిస్తున్నారు. ప్రపంచవ్యాప్తంగా ఉన్న సినీ ప్రియులు ఎంతో ఈగర్‌గా వెయిట్ చేస్తున్న ‘పుష్ప-2’ డిసెంబర్ 5(December 5)న ప్రేక్షకుల ముందుకు రాబోతుంది.

ఇదిలా ఉంటే.. తాజాగా, పుష్ప-2 (Pushpa-2)యూఎస్‌లో ఆల్ టైమ్ రికార్డ్ సాధించింది. ప్రీ సేల్స్ బుకింగ్ ఓపెన్ చేయగా ఏకంగా 15k+ టికెట్స్ అమ్ముడుపోయాయి. అయితే విడుదలకు ఇంకా నెల రోజుల టైమ్ ఉండగానే హాట్ కేకుల్లా టికెట్లు సేల్ అవడం మొదటిసారి. ఈ విషయాన్ని మేకర్స్ ‘X’ వేదికగా షేర్ చేస్తూ అల్లు అర్జున్ పోస్టర్‌ను కూడా షేర్ చేశారు. ఇక పుష్ప-2 విడుదల కాకుండానే ఆల్ టైమ్ రికార్డ్ సాధించడంతో అల్లు అర్జున్(Allu Arjun) ఫ్యాన్స్ ఆనందానికి అవధులు లేకుండా పోయాయి. అయితే ఈ విషయం తెలుసుకున్న కొంతమంది నెటిజన్లు పుష్పరాజ్ క్రేజ్ మామూలుగా లేదుగా అని కామెంట్లు చేస్తున్నారు.