Prabhas - Maruthi: ప్రభాస్‌తో సినిమా.. క్లారిటీ ఇచ్చిన మారుతి
దిశ, వెబ్‌డెస్క్: Director Maruthi Confirms making film with prabhas| మారుతి డైరెక్షన్‌లో తెరకెక్కిన చిత్రం 'పక్కా కమర్షియల్'. ఈ సినిమా జులై 1న రిలీజ్ కానుంది. ఈ నేపథ్యంలోనే సినిమా ప్రమోషన్స్‌లో బిజీగా ఉన్నదీ చిత్ర బృందం. అయితే టాలీవుడ్‌లో ఇటీవల ఓ వార్త చక్కర్లు కొడుతోంది. మారుతి, ప్రభాస్ కలిసి ఓ మూవీ చేస్తున్నట్లు ఫిల్మ్ నగర్ టాక్. ఎప్పుడూ వినోదభరితమైన కథలను తెరకెక్కించే మారుతి.. యాక్షన్ హీరో ప్రభాస్ కాంబినేషన్ అంటే విచిత్రమే అంటున్నాయి సినీ వర్గాలు. తాజాగా మారుతి ఇచ్చిన ఓ ఇంటర్వ్యూలో ఈ పుకార్లపై క్లారిటీ ఇచ్చారు. 'ప్రభాస్‌తో సినిమా తీయడం అనేది ఖరారైపోయింది. నా మార్క్ సినిమాకి ప్రభాస్ యాక్షన్ తోడుతుంది. ప్రభాస్‌కి నేను అభిమానిని.. ప్రభాస్ ఫ్యాన్స్ ఆయన సినిమాలు ఎలా ఉండాలని కోరుకుంటారో.. ఆ తరహాలోనే సినిమాను తీస్తానని చెప్పుకొచ్చాడు దర్శకుడు మారుతి.
