pushpa-2:‘పుష్పరాజ్‌లో రాజసం ఉట్టిపడనుంది’.. ప్రముఖ రచయిత ఆసక్తికర వ్యాఖ్యలు
దిశ, వెబ్‌డెస్క్: టాలీవుడ్ ఐకాన్‌స్టార్ అల్లు అర్జున్(Iconstar Allu Arjun) నటించిన మోస్ట్ అవైటెడ్ ఫిల్మ్‌లో పుష్ప-2 (Pushpa-2) ఒకటి. ఈ మూవీ కోసం బన్నీ ఫ్యాన్స్ ఎంతో ఆత్రుతగా ఎదురుచూస్తున్నారు. సుకుమార్(Sukumar) దర్శకత్వం వహించిన ఈ చిత్రంలో నేషనల్ క్రష్ రష్మిక(Rashmika) కథానాయికగా నటించింది. ఇప్పటికే ఈ మూవీ నుంచి విడుదలైన పోస్టర్లు ట్రైలర్, టీజర్లు నెటిజన్లలో భారీ హైప్ పెంచేశాయి. ఇకపోతే తాజాగా పాన్ ఇండియా చిత్రంగా తెరకెక్కబోతున్న పుష్ప రెండో భాగం గురించి ప్రముఖ రచయిత పరచూరి గోపాలకృష్ణ(Parachuri Gopalakrishna) మాట్లాడారు. పుష్ప చిన్న పేరే గానీ పెద్ద సక్సెస్ సాధించిందని వెల్లడించారు. పెద్ద పేరు పెట్టి తీస్తేనే ప్రేక్షకులు చూస్తారని రూల్ ఏం లేదని అన్నారు.
పుష్ప అంటే పేరు కాదు బ్రాండు అంటూ రచయిత డైలాగ్ రాయడం నిజంగా సాహసమంటూ కొనియాడారు. మొదటి భాగంతో పోల్చి చూసినట్లైతే.. పార్ట్-2 లో పుష్ప రాజ్‌లో రాజసం ఉట్టిపడనుందని పరచూరి తన అభిప్రాయాన్ని వ్యక్తం చేశారు. కలప దొంగ హెలికాప్టర్ దిగే షాట్‌తో నేరస్థులు ఎక్కడి నుంచి ఎక్కడ వరకు వెళ్తున్నారు అనేది చూపించడం.. శ్రీవల్లి(Srivalli)ని పెళ్లాం అనే డైలాగ్.. ఇలా అన్ని డైలాగ్స్‌తోనే హీరో పాత్ర ఎలాంటిదో తెలుస్తుందని తెలిపారు. చివరగా పుష్ప అంటే నేషనల్ అనుకుంటిరా.. ఇంటర్నేషనల్ అనే మాటతో మొదటి భాగం ఏ రేంజ్‌కు వెళ్లిందో అంటూ గుర్తుచేశారు. రెండో భాగం భారీ హిట్ కొట్టాలని మనస్ఫూర్తిగా కోరుకుంటున్నానని పరుచూరి గోపాలకృష్ణ తన యూట్యూబ్ ఛానల్ వేదికన చెప్పుకొచ్చారు.
