Megastar Chiranjeevi: స్టేజ్‌పై అభిమానితో ఉత్తారంధ్ర యాసలో అదరగొట్టిన చిరు.. (వీడియో)
దిశ, వెబ్‌డెస్క్: ఈశ్వర్ కార్తీక్(Ishwar Karthik) తెరకెక్కించిన తాజా చిత్రం జిబ్రా(Zebra). ఈ సినిమాలో సత్యదేవ్(Satyadev), డాలీ ధనంజయ(Dali Dhananjaya) కథనాయకులుగా నటిస్తున్నారు. స్టార్ ప్రొడ్యూసర్లైన బాల సుందరం ఎస్(S Bala Sundaram). ఎన్ రెడ్డి, దినేష్ సుందరం పలువురు కలిసి ఓల్డ్ టౌన్ పిక్చర్స్ బ్యానర్‌(Old Town Pictures Banner)పై నిర్మించారు. ప్రియా భవానీ శంకర్(Priya Bhavani Shankar) హీరోయిన్‌గా నటిస్తోన్నఈ చిత్రం తెలుగుతో పాటు కన్నడ, తమిళ్, హిందీ భాషల్లోప్రపంచవ్యాప్తంగా నవంబరు 22 వ తేదీన ప్రేక్షకుల ముందుకు రానుంది.
ఇకపోతే నిన్న (నవంబరు 22) జీబ్రా ప్రీరిలీజ్ ఈవెంట్‌ను చిత్ర యూనిట్ ఘనంగా నిర్వహించారు. ఈ కార్యక్రమానికి టాలీవుడ్ ప్రముఖ హీరో మెగాస్టార్ చిరంజీవి(Megastar Chiranjeevi) ముఖ్య అతిథిగా హాజరై.. చిత్ర బృందానికి ఆల్‌ది బెస్ట్ చెప్పారు. ఈ సందర్భంగా మెగాస్టార్ చిరంజీవి స్టేజ్‌పై జిబ్రా సినిమా గురించి మాట్లాడుతుండగా.. మధ్యలో ఓ అభిమాని గట్టిగా అరుస్తూ.. ‘బాసూ మిమ్మల్ని చూసేందుకు వైజాగ్ నుంచి వచ్చాను’ అని అంటాడు.
చిరు వెంటనే స్వీచ్ ఆపి మరీ.. ‘అయితే ఏటంటావ్ ఇప్పుడు.. నువ్వు వైజాగ్ నుంచి వచ్చినందుకు చాలా హ్యాపీ. మరీ ఈ బొమ్మను నువ్వు వైజాగ్(Vizag)లో ఆడించాలి. భలేవాడివే. కూసో కూసో రా కాసేపు’ అంటూ మెగాస్టార్ ఉత్తరాంధ్ర యాసలో అదరగొడతాడు. దీంతో ఒక్కసారిగా అక్కడున్నవారంతా నవ్వుతూ చప్పట్లు కొట్టారు. ఇందుకు సంబంధించిన వీడియో ప్రెజెంట్ నెట్టంట వైరల్ అవ్వగా.. ‘సూపర్ బాసూ నువ్వు.. టైమింగ్‌ కు దగ్గట్లుగా మాట్లాడుతావ్. కామెడీ టైమింగ్‌లోనూ మీరు మెగాస్టార్ నిజంగా’ అంటూ మెగా ఫ్యాన్స్ సోషల్ మీడియాలో చిరును కొనియాడుతున్నారు.
