Matka: తిరుమలలో మట్కా టీమ్.. శ్రీవారిని దర్శించుకున్న వరుణ్ తేజ్
దిశ, వెబ్ డెస్క్: మెగా ప్రిన్స్ వరుణ్ తేజ్ (Varun Tej) హీరోగా.. మీనాక్షి చౌదరి (Meenakshi Choudary), నోరా ఫతేహి హీరోయిన్లుగా కరుణ కుమార్ దర్శకత్వంలో తెరకెక్కిన సినిమా మట్కా. ఈ సినిమా నవంబర్ 14న థియేటర్లలో విడుదల కానుంది. ఇప్పటికే జోరుగా ప్రమోషన్లు చేసిన చిత్ర బృందం.. ఇటీవలే వైజాగ్ లో ప్రీ రిలీజ్ ఈవెంట్ నిర్వహించింది. తాజాగా హీరో వరుణ్ తేజ్, మట్కా టీమ్ సభ్యులు తిరుమల శ్రీవారిని దర్శించుకున్నారు. రేపు విడుదలయ్యే మట్కా సినిమా హిట్ కావాలని ఆకాంక్షిస్తున్నట్లు తెలిపారు.
పలాస 1978, మెట్రో కథలు, కళాపురం, శ్రీదేవి సోడాసెంటర్ వంటి సినిమాలతో కరుణ కుమార్ డైరెక్టర్ గా మంచి పేరు తెచ్చుకున్నాడు. వైజాగ్ లో మొదలయ్యే ఈ కథ.. వైజాగ్ చుట్టూనే తిరుగుతుందని డైరెక్టర్ తెలిపారు. మట్కా జూదాన్ని ముంబైలో ప్రారంభించిన రతన్ ఖాత్రి జీవితం స్ఫూర్తిగా తెరకెక్కించారు. బర్మా నుంచి శరణార్థిగా వచ్చిన వాసు.. వైజాగ్ ను ఎలా ఏలాడన్నదే కథ. పిరియాడిక్ ఫీల్ తో వచ్చే సినిమా అయినా.. క్రైమ్, గ్లామర్ స్పెషల్ అట్రాక్షన్ గా నిలువనున్నాయి. ఇటీవలే సినిమా చూసిన సెన్సార్ (Matka Censor Review) అధికారులు.. సినిమాకు పాజిటివ్ రివ్యూ ఇచ్చారు.
