దుబాయ్ లో ఉద్యోగాల పేరిట మోసం చేస్తున్న ముఠా..

దిశ, అంబర్ పేట్: నకిలీ పాస్ పోర్ట్, వీసాలతో అమాయక ప్రజలను మోసం చేస్తున్న ఓ ముఠాను ఆబిడ్స్ పోలీసులు అరెస్టు చేశారు. పోలీసులు తెలిపిన వివరాల ప్రకారం.. వాహబ్, మహమ్మద్, అబ్దుల్ ముఖీత్ హైదర్‌గూడ, బషీర్‌బాగ్‌లో టాలెంట్ కెరీర్ గ్రూప్ ను ప్రారంభించారు. డొమెస్టిక్ ఓవర్సీస్ కన్సల్టెన్సీ వీసా, దుబాయ్‌కి ఇమ్మిగ్రేషన్ ప్రాసెస్ కోసం కార్వాన్‌కు చెందిన మొహమ్మద్ చంద్ కుమారుడు మహమ్మద్ రాఫీ(33) అక్టోబర్ 2021లో మహ్మద్ అబ్దుల్‌ను సంప్రదించినట్లు తెలిపారు. అతని వద్ద సుమారు రూ.80,000 విమాన టిక్కెట్లతో సహా మొత్తం ప్రక్రియ అతడిని జాబ్ వీసాపై 'దుబాయ్ ఎక్స్‌పో'కి పంపుతామని డబ్బులు వసూలు చేశారు. అనంతరం నకిలీ వీసాలు, ఆఫర్ లెటర్లు సృష్టించి ముంబై నుంచి దుబాయ్‌కి టిక్కెట్లు బుక్ చేసి అతనికి అందించారు.

నవంబర్ నెలాఖరులో, మహమ్మద్ అబ్దుల్ వహాబ్ వైద్య పరీక్షల కోసం అతనితో పాటు మరో 5 మందిని ముంబైకి తీసుకెళ్లాడు. మహమ్మద్ అబ్దుల్ వహాబ్, సాజిద్, ఇస్లాముద్దీన్‌‌ను న్యూ స్టార్ లైన్ మల్టిపుల్ సర్వీసెస్‌లో కలుసుకొని టూరిస్ట్ వీసాలు సేకరించి, మరికొందరిని టూరిస్ట్ వీసాపై దుబాయ్‌కి పంపారు. దుబాయ్ విమానాశ్రయంలో సంజు అనే వ్యక్తి కలిసినట్లు వివరించారు. దుబాయ్ లో ఉద్యోగం చేయకుండా మోసం చేశారని పేర్కొన్నారు. బాధితుల ఫిర్యాదు మేరకు మహ్మద్‌ అబ్దుల్‌ వహాబ్‌ జాకీని అరెస్టు చేసి 5 పాస్‌పోర్టులు, రెండు సెల్‌ఫోన్లు, లాప్ ట్యాబ్‌ను స్వాధీనం చేసుకున్నట్లు పోలీసులు తెలిపారు. మహ్మద్‌ అబ్దుల్‌ వహాబ్‌ జాకీ పై నమోదు చేసి రిమాండ్ కు తరలించారు.