ఆపలేనంత వేగంగా దూసుకొస్తున్న 'ధాకడ్'.. మే 27న రికార్డులు బద్దలే
దిశ, సినిమా: బీటౌన్ హాట్ బ్యూటీ కంగనా రనౌత్ అప్‌కమింగ్ ఫిల్మ్ 'ధాకడ్'. హిందీ, తెలుగు, తమిళ, మలయాళ భాషల్లో రూపొందిన మూవీ రిలీజ్ డేట్‌ను మేకర్స్ తాజాగా ప్రకటించారు. చైల్డ్ ట్రాఫికింగ్ నేపథ్యంలో తెరకెక్కిన సినిమా గతేడాది అక్టోబర్ 1న విడుదల కావాల్సి ఉండగా, కరోనా కారణంగా వాయిదా వేసిన దర్శక నిర్మాతలు.. 2022 మే 27న ప్రపంచ వ్యాప్తంగా రిలీజ్ చేస్తున్నట్లు అఫీషియల్‌గా అనౌన్స్ చేశారు. ఇక ఈ యాక్షన్ మూవీలో ఏజెంట్ అగ్ని పాత్ర పోషిస్తున్న కంగనా.. 'ఏజెంట్ అగ్ని శక్తి ఎవరూ ఆపలేనంత వేగంగా దూసుకొస్తోంది. నాలుగు భాషల్లో పెద్ద స్క్రీన్‌పై విడుదలవుతున్న ధాకడ్ రికార్డ్ క్రియేట్ చేస్తుంది' అంటూ ఇన్‌స్టాగ్రామ్‌లో ఓ పోస్ట్ షేర్ చేసింది. రజనీష్ ఘయ్ దర్శకత్వం వహిస్తున్న చిత్రంలో అర్జున్ రామ్ పాల్, దివ్యా దత్, షరీబ్ హష్మి కీలక పాత్రల్లో కనిపించనున్నారు.
https://www.instagram.com/p/CagcSN6FqTi/?utm_source=ig_web_copy_link
