రొటీన్ స్టోరీలతో ప్రేక్షకులు విసిగిపోయారు.. కొత్త ఐడియాలు కావాలి

దిశ, సినిమా : బాలీవుడ్ ఫైర్ బ్రాండ్ కంగనా రనౌత్ తనకు ప్రేక్షకుల పల్స్ బాగా తెలుసని అంటోంది. ప్రస్తుతం 'ఎమర్జెన్సీ' చిత్రంలో నటిస్తున్న కంగన ఈ చిత్రంతో మళ్లీ హిట్ కొడతానంటూ ధీమా వ్యక్తం చేసింది. అంతేకాదు ఇటీవల విడుదలైన ఫస్ట్ లుక్‌కు భారీ రెస్పాన్స్ వచ్చిందన్న ఆమె.. 'నేను డైరెక్ట్ చేసిన 'మణికర్ణిక : ది క్వీన్ ఆఫ్ ఝాన్సీ'కి ప్రేక్షకుల నుంచి మంచి ఆదరణ లభించింది. అందుకే మరో చిత్రానికి దర్శకత్వం వహించాలని ఫిక్స్ అయ్యాను.

అనేక ప్రాజెక్టుల్లో పాల్గొనాల్సి ఉన్నప్పటికీ అభిమానులకు గొప్ప స్టోరీ చెప్పాలనుకున్నా. 'ఎమర్జెన్సీ' అనేది చరిత్రలో కాదనలేని వాస్తవం. ఈ చిత్రం ఫ్యాన్స్‌ను మెప్పిస్తుందని ఆశిస్తున్నా' అంటూ వివరించింది. అలాగే రొటీన్ స్టోరీలతో ప్రజలు విసిగిపోయారన్న కంగన.. ఇప్పుడు వాస్తవాలను మాత్రమే తెర మీద చూసేందుకు ఇష్టపడుతున్నారని, సమాజానికి కొత్త ఐడియాలు, కొత్త కథలు కావాలని సూచించింది.