'బింబిసార'పై బెంగ పెట్టుకున్న కళ్యాణ్ రామ్ భోజనం మానేసి!

దిశ, సినిమా : నందమూరి కళ్యాణ్ రామ్ నటించింది కొద్ది చిత్రల్లోనైనా మంచి గుర్తింపు తెచ్చుకున్నారు. యాక్షన్‌తో పాటు కామెడీ పండించడంలో ఈజ్ ఉన్న ఈ నటుడు తన లేటెస్ట్ మూవీ 'బింబిసార'పై చాలా ఆశలు పెట్టుకున్నాడు. ఇందుకు సంబంధించిన ట్రైలర్ సోమవారం విడుదల కాగా.. ప్రేక్షకుల నుంచి ప్రశంసలు అందుకుంటోంది. ఈ సందర్భంగా మాట్లాడిన కళ్యాణ్ రామ్.. సీనియర్ ఎన్టీఆర్ 'పాతాళ భైరవి' మూవీ నుంచి ప్రభాస్ బాహుబలి వరకు ఎన్నో చందమామ కథలు సినిమాలుగా రూపొందాయని గుర్తుచేసుకున్నారు.

ఇక తన బింబిసార విషయానికొస్తే.. కమర్షియల్ ఎలిమెంట్స్‌తో కూడిన సోషియో-ఫాంటసీ చిత్రమని స్పష్టం చేశారు. అంతేకాదు ట్రైలర్‌ను ఆడియన్స్ ఎలా రిసీవ్ చేసుకుంటారోన్న భయంతో ముందు రోజు రాత్రి నుంచి భోజనం చేయలేదన్న కళ్యాణ్ రామ్.. ట్రైలర్ చూశాక అరుపులతో తన హృదయాన్ని నింపినందుకు ప్రేక్షకులకు ధన్యవాదాలు తెలిపారు. వశిష్ట్ దర్శకత్వం వహించిన 'బింబిసార' చిత్రానికి చిరంతన్ భట్ సంగీతం అందించగా.. కీరవాణి బ్యాక్‌గ్రౌండ్ స్కోర్ అందించారు.