కంపెయిర్ చేస్తే కంపరంగా ఉంటుంది.. స్టార్ కిడ్ సీరియస్
దిశ, సినిమా : బాలీవుడ్ స్టార్ కిడ్ జాన్వీ కపూర్‌ తనకు పోలికలు నచ్చవని అంటోంది. ఆమె నటించిన నయా చిత్రం 'గుడ్ లక్ జెర్రీ'. నయనతార లీడ్ రోల్ పోషించిన తమిళ చిత్రం 'కోలమావు కోకిల'కు ఇది రీమేక్‌ కాగా.. ఇప్పుడు జాన్వీని నయన్‌తో పోల్చి చూస్తున్నారు నెటిజన్లు. ఈ కంపేరిజన్‌పై అసహనం వ్యక్తం చేసిన జాన్వి.. 'నయనతార గొప్ప స్టార్. దక్షిణాదిలో తిరుగులేని నటి. ఆమెతో పోల్చడం బాగానే ఉంది.
కానీ నిజాయతీగా చెప్పాలంటే ఈ పోలిక నన్ను బాగా ఇబ్బంది పెడుతోంది. ఆమె నటించిన సినిమాను నాతో రీమేక్‌ చేశారు. ఆ మాత్రానికే ఇద్దరినీ కంపెయిర్ చేస్తారా? ఈ సినిమాను పూర్తిగా మార్చేశాం. నా క్యారెక్టర్ కూడా విభిన్నంగా తీర్చిదిద్దారు. దక్షిణాది ఛాయలు ఏమాత్రం కనిపించవు. ఇందులో బిహారీ అమ్మాయిగా కనిపించబోతున్నా. 'సైరట్‌' రీమేక్‌లో కూడా ఇలానే పోలిస్తే చిరాకుగా అనిపించింది' అంటూ తన అభిప్రాయాన్ని వెల్లడించింది.
