Google అసిస్టెంట్, Siri సపోర్ట్‌తో సరికొత్త స్మార్ట్‌వాచ్
దిశ, వెబ్‌డెస్క్: ప్రస్తుతం భారత్‌లో స్మార్ట్‌వాచ్ మార్కెట్ విపరీతంగా పెరుగుతోంది. డిమాండ్ అధికంగా ఉండటం వలన అనేక కంపెనీలు సరికొత్త ఉత్పత్తులను విడుదల చేస్తున్నాయి. హోమ్ గ్రోన్ టెక్ బ్రాండ్ 'ఇన్‌బేస్' తన కొత్త స్మార్ట్ వాచ్ 'అర్బన్ లైఫ్ ఎమ్'ని ఇండియాలో విడుదల చేసింది. ఇది ఆకట్టుకునే డిజై‌న్‌తో, చేతికి ధరించడానికి సులువుగా ఉండే విధంగా ఉంటుంది.
Inbase Urban Lyf M 1.69-అంగుళాల 240×280 అల్ట్రా-బ్రైట్ IPS డిస్‌ప్లేను స్విఫ్ట్, ఫ్లూయిడ్ UIతో వస్తుంది. ఈ స్మార్ట్ వాచ్ బ్లాక్ స్ట్రాప్‌తో బ్లాక్ డయల్, వైలెట్ స్ట్రాప్‌తో రోజ్ గోల్డ్ డయల్, గ్రే స్ట్రాప్‌తో సిల్వర్ డయల్ అనే మూడు వేరియంట్‌లలో అందుబాటులో ఉంది. లిథియం పాలిమర్ బ్యాటరీ కాలింగ్ ఫంక్షన్‌తో 3 రోజుల వరకు, నోటిఫికేషన్‌లతో 8 రోజుల వరకు, స్టాండ్‌బై సమయాన్ని 30 రోజుల వరకు అందిస్తుంది. పెద్ద డయల్ ప్యాడ్ ఇష్టమైన కాంటాక్ట్‌లకు యాక్సెస్‌ను అలాగే స్మార్ట్‌ఫోన్‌ సంగీతాన్ని సులభంగా యాక్సెస్ చేస్తుంది.
ఇది నిరంతరం హార్ట్‌ బీట్, నిద్ర, ఆక్సిజన్ స్థాయి, రక్తపోటు పర్యవేక్షణను కలిగి ఉంటుంది. అర్బన్ Lyf M IP68 డస్ట్, వాటర్ రెసిస్టెంట్‌తో పాటు Google అసిస్టెంట్, Siriని కలిగి ఉంది.
Inbase Urban Lyf M రూ. 3,999 ప్రారంభ ధరలో అందుబాటులో ఉంది. వినియోగదారులు కంపెనీ అధికారిక వెబ్‌సైట్ inbasetech.in, ఇతర ప్రముఖ రిటైల్ అవుట్‌లెట్‌ల నుండి కొనుగోలు చేయవచ్చు. స్మార్ట్‌వాచ్‌పై 12 నెలల వారంటీ కూడా లభిస్తుంది.
