Yoga tip.. కీళ్లనొప్పులకు పార్శ కోణాసనంతో చెక్

దిశ, ఫీచర్స్: పార్శ కోణాసనం వేసేందుకు మొదట నిటారుగా నిలబడాలి. గాలి పీల్చుకొని పాదాలను ఒక మీటరు దూరం జరపాలి. అరచేతులు భూమివైపుగా ఉండాలి. నెమ్మదిగా గాలి వదులుతూ కుడి పాదాన్ని కుడివైపుగా తిప్పుతూ 90 డిగ్రీల కోణంలో వంచాలి. ఈ సమయంలో ఎడమ కాలును వంచకూడదు. ఇప్పుడు కుడి అరచేతిని కుడికాలి పక్కగా ఉంచి, ఎడమ చేతిని ఎడమ చెవి మీదుగా భూమికి సమాంతరంగా ఉంచాలి. ఈ స్థితిలో అర నిమిషం పాటు మామూలుగా గాలి పీలుస్తూ ఉండాలి. అలా చేస్తూ ముందుగా కాలును, తర్వాత చేతిని యథాస్థితికి తీసుకురావాలి. ఇదే మాదిరిగా ఎడమవైపు కూడా చేయాలి.

ఉపయోగాలు :

* కాలి మడమలు, మోకాళ్ల మొదళ్లకు బలం చేకూరుతుంది.

* సయాటికా, కీళ్లనొప్పులను నివారిస్తుంది.

* నడుము చుట్టూ ఉండే కొవ్వును తగ్గిస్తుంది.

* మలబద్దకాన్ని నివారిస్తుంది.