మళ్లీ వార్తల్లో నిలిచిన 'యో యో' హనీ సింగ్.. ఈ సారి పబ్బులో
దిశ, సినిమా : 'బ్లూ ఐస్' పాటతో యూత్‌లో క్రేజ్ సంపాదించిన పాప్ సింగర్ హనీ సింగ్ వార్తల్లో నిలిచాడు. గత నెల 27న సౌత్ ఢిల్లీలోని ఓ పబ్‌లో తన కాన్సర్ట్‌ జరుగుతుండగా.. కొంత మంది గుంపుగా స్టేజి పైకి వచ్చి అతడి ప్రదర్శన అడ్డుకున్నారు. కాగా సదరు వ్యక్తులు తనను ఉద్దేశ్యపూర్వకంగానే బెదిరించడంతో పాటు గాయపరిచారని హనీ సింగ్ ఢిల్లీ పోలీసులకు కంప్లైంట్ చేశాడు. ఈ మేరకు పలు సెక్షన్ల కింద ఎఫ్ఐఆర్ ఫైల్ చేశారు. విషయానికొస్తే.. 'నలుగురు, ఐదుగురు గుర్తుతెలియని వ్యక్తులు హనీ సింగ్ పర్ఫార్మ్ చేస్తున్న క్రమంలో బీర్ బాటిల్స్ చూపిస్తూ అసభ్యంగా ప్రవర్తించారని, తనను కిందకు తోసేసి బెదిరింపులకు దిగారని, ఆ గుంపులో ఒక వ్యక్తి వీడియో తీస్తూ హనీ సింగ్‌ను తరిమికొట్టండని అరిచిచారని' మీడియా వర్గాలు పేర్కొన్నాయి. కాగా ఈ సంఘటన తర్వాత హనీ సింగ్, అతడి బృందం.. ఈవెంట్ మధ్యలోనే వెళ్లిపోయారు. ఇదిలా ఉంటే.. హనీ సింగ్ భార్య షాలిని పాండే అతడిపై గృహహింస కింద కేసు పెట్టి పెనాల్టీగా రూ. 20 కోట్లు డిమాండ్ చేసిన సంగతి తెలిసిందే.
