నాని 'దసరా'కు డిమాండ్.. ఓటీటీ, శాటిలైట్‌‌కు భారీ ఆఫర్!
దిశ, సినిమా : నేచురల్ స్టార్ నాని అప్‌కమింగ్ మూవీ 'దసరా'. శ్రీకాంత్ ఓదెల డైరెక్ట్ చేస్తున్న ఈ చిత్రాన్ని పాన్ ఇండియా లెవెల్‌లో తీర్చిదిద్దుతున్నారు. కీర్తి సురేష్ ఫిమేల్ లీడ్‌గా నటిస్తున్న చిత్రంలో స‌ముద్రఖ‌ని విలనిజం ప్రత్యేక ఆక‌ర్షణ‌గా నిల‌వ‌నుంది. ఇప్పటికే కొంత భాగం షూటింగ్ పూర్తికాగా.. త్వరలోనే కొత్త షెడ్యూల్ ప్రారంభించనున్నారు. ఇదిలా ఉంటే 'దసరా' మూవీకి సంబంధించిన నాన్ థియేట్రికల్ రైట్స్ వ‌సూళ్లు అంద‌రినీ ఆశ్చర్యప‌రుస్తున్నాయి.
ఈ సినిమాకు ఓటీటీ, హిందీ, శాటిలైట్ హక్కులు కలుపుకొని దాదాపు రూ. 47 కోట్ల వచ్చిందని, దీనికి నిర్మాత‌లు ఓకే చెప్పారని తెలుస్తోంది. కాగా ఈ చిత్రాన్ని తెలుగు, తమిళం, కన్నడ, మలయాళం, హిందీ భాషల్లో రిలీజ్ చేయనున్నారు. నాని మాస్ క్యారెక్టర్‌లో కనిపించనున్న చిత్రంలో సాయి కుమార్, జరీనా వహాబ్, రోషన్ మాథ్యూ కీలక పాత్రలు పోషించారు. పైగా సంతోష్‌ నారాయణన్‌ మ్యూజిక్ అందించడం విశేషం.
