‘ఆ మూవీకి పెద్దగా రెమ్యునరేషన్ అందుకోలేదు’.. టాలీవుడ్ హీరోయిన్ సంచలన వ్యాఖ్యలు
దిశ, వెబ్‌డెస్క్: టాలీవుడ్ హీరోయిన్ తాప్సీ(Taapsee) తాజాగా బాలీవుడ్ సినీ ఇండస్ట్రీని ఉద్దేశించి.. సంచలన కామెంట్స్ చేసింది. రాజ్ కుమార్ హిరాణీ(Raj Kumar Hirani) దర్శకత్వంలో ఈ బ్యూటీ డంకీ చిత్రంలో నటించిన విషయం తెలిసిందే. కాగా ఈ సినిమా పారితోషికం గురించి తాప్సీ తాజాగా ఓ ఇంటర్వ్యూలో మాట్లాడింది. డంకీ(Dunky) మూవీలో నటించాను కానీ.. ఎక్కువ రెమ్యునరేషన్ అందుకోలేకపోయానని తెలిపింది. సినీ ఇండస్ట్రీలో చాలా కాలం నుంచి కొనసాగుతున్నానని చెప్పింది. డిఫరెంట్ డిఫరెంట్ కంటెంట్‌తో ప్రేక్షకుల ముందుకు రావాలనుకుంటానని, కానీ రెమ్యునరేషన్ విషయంలో కచ్చితంగా నటీనటుల మధ్య తేడా ఉంటుందని అందరికీ తెలుసునంటూ తాప్సీ వెల్లడించింది. డంకీ సినిమాకు భారీ పారితోషికం తీసుకున్నానని చాలా మంది అనుకుంటున్నారు కానీ అందులో ఎలాంటి వాస్తవం లేదని తెలిపింది.
చిత్ర పరిశ్రమలో అందరినీ ఒకేలా చూడరని.. మా మూవీలో ప్రముఖ హీరో ఉన్నాడు ఇక వేరే వాళ్లను ఎంపిక చేసుకోవాల్సిన అవసరం ఏముందన్నట్లు పలువురు భావిస్తారని చెప్పుకొచ్చింది. సినిమాలో ఆఫర్ ఇచ్చి హెల్ప్ చేస్తున్నామనేలా బీహేవ్ చేస్తారని తాప్సీ వెల్లడించింది. అలాగే హీరోయిన్లను తీసుకునేముందు హీరోలను డామినేట్ చేయకుండా చూస్తారని చెప్పింది. మంచి సినిమాలో అవకాశం ఇచ్చాంగా మనీది ఏముందిలే అన్నట్లు వ్యవహరిస్తారని తాప్సీ తెలిపింది. అలాగే హీరోయిన్ ఎంపిక విషయంలో తనకు తెలిసినంతవరకు హీరోనే నిర్ణయిస్తాడని చెప్పుకొచ్చింది. ప్రస్తుతం మిల్క్ బ్యూటీ తాప్సీ వ్యాఖ్యలు సోషల్ మీడియాలో వైరల్ అవుతున్నాయి. ఇక గతంలో కూడా తాప్సీ రెమ్యునరేషన్ విషయంలో అసహనం వ్యక్తం చేసిన విషయం తెలిసిందే.
Read More..
తను నీది.. సో ఆమెను జాగ్రత్తగా చూసుకో.. బాడ్మింటన్ స్టార్ ప్లేయర్‌కు నేషనల్ క్రష్ స్వీట్ వార్నింగ్
