సాయి పల్లవికి అభిమానుల స్పెషల్ రిక్వెస్ట్.. పరేషాన్ చేయొద్దంటూ..

దిశ, సినిమా : 'ఫిదా' మూవీతో ఫ్యాన్స్‌ను ఫిదా చేసిన సాయిపల్లవి.. లేడీ పవర్ స్టార్‌ రేంజ్‌కు ఎదిగింది. ఈ కాలంలో సినీ ఇండస్ట్రీలో ఎలాంటి విమర్శలు, రూమర్స్ లేకుండా ఎదిగిన ఒకే ఒక్క హీరోయిన్ సాయి పల్లవి.. కాగా తను నటించిన చిత్రాలకున్న క్రేజ్ ప్రత్యేకంగా చెప్పక్కర్లేదు.

ఓ సూపర్ స్టార్‌కు ఉన్న ఫ్యాన్ ఫాలోయింగ్‌ను సొంతం చేసుకున్న ఆమె.. ఈ మధ్య సీరియస్ పాత్రలే చేస్తోంది. అయితే అభిమానులు మాత్రం 'ఫిదా'లో కనిపించిన కొంటె పిల్ల క్యారెక్టర్, ఎంటర్‌టైన్మెంట్ యాంగిల్‌లో సినిమాలు చేయాలని కోరుతున్నారు. ఇప్పటికే ఏడుపు పాత్రలు ఎక్కువైపోయాయని, ఇక రూట్ చేంజ్ చేయాలని సోషల్ మీడియా ద్వారా కోరుతున్నారు.