తెలంగాణలో మహిళల ప్రాధాన్యతకు ఇదే నిదర్శనం: మంత్రి సబితా ఇంద్రారెడ్డి

దిశ ప్రతినిధి, రంగారెడ్డి: తెలంగాణ రాష్టంలో మహిళలకు సీఎం కేసీఆర్ అత్యంత ప్రాధాన్యత ఇస్తున్నారు. అందుకు నిదర్శనమే రాష్టంలో మహిళా దినోత్సవం సందర్భంగా ప్రత్యేకంగా మహిళా యూనివర్సిటీ ఏర్పాటు చేస్తున్నట్లు ప్రకటించారు. అదేవిధంగా ఉమ్మడి రంగారెడ్డి జిల్లా ప్రజల చిరకాల కోరిక పాలమూరు, రంగారెడ్డి ఎత్తిపోతల ప్రాజెక్టు ఈ ఏడాదిలో పూర్తి చేసి జిల్లా ప్రజలకు తాగు, సాగు నీరు అందిస్తామని హామీ ఇచ్చారు. రంగారెడ్డి, వికారాబాద్ జిల్లాలకు నూతనంగా మెడికల్ కాలేజీలను ఏర్పాటు చేయబోతున్నట్లు ప్రభుత్వం ప్రకటించింది. ఇవన్నీ త్వరలో సాకారం కాబోతున్ననందుకు సీఎం కేసీఆర్‌కు కృతజ్ఞతలు తెలుపుతూ హర్షం వ్యక్తం చేశారు.