ఆ విషయంలో కేసీఆర్ చేస్తున్న ప్రయత్నాలు సాగవు: ఎమ్మెల్యే రఘునందన్ రావు
దిశ, శంషాబాద్: రంగారెడ్డి జిల్లా శంషాబాద్ లో ఆదివారం జరిగిన చత్రపతి శివాజీ జయంతి ఉత్సవాలలో దుబ్బాక ఎమ్మెల్యే రఘునందన్ రావు పాల్గొన్నారు. అనంతరం ఆయన మాట్లాడుతూ.. జాతీయ రాజకీయాలు అంటూ ముఖ్యమంత్రి కేసీఆర్ చేస్తున్న ప్రయత్నాలు సాగవన్నారు. ముఖ్యమంత్రి కేసీఆర్ రాష్ట్రంలో చేసింది ఏమీ లేదని విమర్శించారు. ఇప్పుడు జాతీయ రాజకీయాలంటూ చేస్తున్న ప్రయత్నాలు ఏమీ సాగవని అనవసరంగా ప్రయత్నాలు చేసి చరిత్రహీనులుగా కేసీఆర్ నిలిచిపోతారు అన్నారు.
ముంబై కి వెళ్తున్న ముఖ్యమంత్రి కేసీఆర్ ముంబైలో హిందూ ధర్మానికి ప్రతీకగా ఉన్న చత్రపతి శివాజీ విగ్రహానికి పూలమాల వేసి, జ్ఞానోదయం కలిగించాలని వేడుకోవాలి అన్నారు. యువత చత్రపతి శివాజీ అడుగుజాడల్లో పయనించాలని పిలుపునిచ్చారు. శివాజీ ఉత్సవాలకు ప్రభుత్వం అడ్డంకులు సృష్టించడం పై ఎమ్మెల్యే రఘునందన్ రావు ఆగ్రహం వ్యక్తం చేశారు. ఈ కార్యక్రమంలో కార్పొరేటర్ తోకల శ్రీనివాస్ రెడ్డి, బీజేపీ నాయకులు తదితరులు పాల్గొన్నారు.
