దిశ ఎఫెక్ట్.. నక్షబాటను పునరుద్ధరించిన అధికారులు!

దిశ, షాద్ నగర్: "మాదాంట్లో లేదంటే మాదాంట్లో లేదు.. బాట ఎటుపోయిందో అర్థమైతలేదు" అంటూ.. 'దిశ' దినపత్రికలో ఈ నెల 15 న ప్రచురితమైన కథనానికి మండల రెవెన్యూ అధికారులు స్పందించారు. తహశీల్దార్ మురళీకృష్ణ అధికారులను పంపించి సర్వే చేయించారు. తహశీల్దార్ ఆదేశాల మేరకు నక్ష బాటకు అడ్డంగా రియల్టర్లు వేసిన ఫినిషింగ్ ను సిబ్బంది తొలగించి నక్ష బాటను తిరిగి పునరుద్ధరించారు.

ప్రభుత్వ భూములను ఎవరైనా చట్టవ్యతిరేకంగా ఆక్రమిస్తే కఠిన చర్యలు తీసుకుంటామని తహశీల్దార్ హెచ్చరించారు. నక్ష బాటను తిరిగి పునరుద్ధరించడం పట్ల సమీప గ్రామాల ప్రజలు, రైతులు.. అధికారులకు, సమస్యను వెలుగులోకి తెచ్చిన దిశ దినపత్రిక కు కృతజ్ఞతలు తెలిపారు.