దివంగత దర్శకుడికి నేషనల్ అవార్డు.. భావోద్వేగంలో అభిమానులు

దిశ, సినిమా : మలయాళ ఇండస్ట్రీలో 'అయ్యప్పనుమ్ కోషియుమ్' సినిమాతో సంచలనం సృష్టించిన దివంగత దర్శకుడు కె. ఆర్. సచిదానందన్(సాచీ). తాజాగా ప్రకటించిన 68వ జాతీయ పురస్కారాల్లో ఉత్తమ దర్శకుడిగా నిలిచారు. దురదృష్టవశాత్తు ఆయన చనిపోయిన తర్వాత ఈ అవార్డు దక్కడం బాధకరమైన విషయమైనప్పటికీ.. ఆయన డైరెక్ట్ చేసిన సినిమా విజయాలు ఇంకా బతికే ఉన్నాయని అనుకోవాలి అంటున్నారు అభిమానులు. ఇక ఇంతటి గౌరవం దక్కడంతో కుటుంబ సభ్యులు భావోద్వేగానికి గురయ్యారు. ఇదిలా ఉంటే మలయాళంలో ఈ సినిమా బ్లాక్ బస్టర్ హిట్‌గా నిలవడంతో.. ఇదే సినిమాను తెలుగులో 'భీమ్లా నాయక్' టైటిల్‌తో రీమేక్ చేయడం విశేషం.