తెలంగాణలో సైలెంట్స్ప్రెడింగ్‌లో 'కరోనా'..! ముఖ్యంగా ఆ జిల్లాల్లో ఉధృతి
దిశ, తెలంగాణ బ్యూరో: రాష్ట్రంలో కరోనా వైరస్నెమ్మదిగా వ్యాప్తి చెందుతుంది. ఆదివారం కూడా మరో 705 కేసులు తేలాయి. రాబోయే రోజుల్లో కేసులు ఇంకా పెరుగుతూనే ఉంటాయని వైద్యాధికారులు ఆందోళన వ్యక్తం చేస్తున్నారు. ముఖ్యంగా మొదటి వేవ్తరహాలోనే హైదరాబాద్ను చుట్టు ముడుతున్నది. గత వారం రోజులుగా ప్రతి రోజు డైలీ సగటున సిటీ లో సుమారు 350 కేసుల చొప్పున నమోదవుతున్నాయి. దీంతో పాటు నల్లగొండ, కరీంనగర్, ఖమ్మం, వరంగల్లోనూ కేసుల సంఖ్య క్రమంగా పెరుగుతున్నాయి.
దసరా వరకు కేసుల సంఖ్య మరింత పెరిగే ఛాన్స్ఉన్నదని ఆఫీసర్లు అంచనా వేస్తున్నారు. హైదరాబాద్లో వ్యాప్తి పూర్తయిన తర్వాత పలెల్లోనే కేసులు వ్యాప్తి చెందే అవకాశం ఉన్నదని స్టేట్ ఎపిడమాలజిస్టులు స్పష్టం చేస్తున్నారు. ప్రస్తుతానికి పాత వేరియంటైనా ఒమిక్రానతోనే వ్యాప్తి జరుగుతున్నదని డాక్టర్లు పేర్కొంటున్నారు. మళ్లీ మరో కొత్త వేరియంట్ వస్తే ఈ సారి వ్యాప్తి మరింత ఎక్కువయ్యే ప్రమాదం ఉందని ఆఫీసర్లు హెచ్చరిస్తున్నారు.
ఇమ్యూనిటీ తగ్గడం వలనే..
రాష్ట్రంలో ఇన్ఫెక్షన్ బారిన పడటం, వ్యాక్సిన్ల ద్వారా డెవలపైన ఇమ్యూనిటీ క్రమంగా తగ్గిపోతుంది. దీంతో వైరస్వ్యాప్తి పెరుగుతుందని అధికారులు చెబుతున్నారు. మెజారిటీ మెంబర్లు రెండు డోసులు పూర్తి చేసుకున్న, బూస్టర్లు వేసుకోలేదు. మూడో డోసు గడువును ఆరు నెలల గ్యాప్కు కుదించిన జనాలు ఆసక్తి చూపడం లేదు. మరోవైపు ఇంటింటికీ వెళ్లడం, క్యాంపులు ఏర్పాటు చేస్తున్న, బూస్టర్డోసును వేసుకునేందుకు పబ్లిక్ ఇంట్రెస్ట్ చూపడం లేదు. దీంతో ప్రజల్లో వైరస్ను తట్టుకొనే శక్తి తగ్గిపోతోందని అధికారులు పేర్కొంటున్నారు. అర్హులంతా తప్పనిసరిగా బూస్టర్ వేసుకోవడం వలన వ్యాప్తిని అదుపులో ఉంచవచ్చని ఆరోగ్యశాఖ వెల్లడిస్తున్నది.
