వెండితెరపైకి శివాజీ సినిమా.. 'బాల్ శివాజీ' పేరుతో తెరపైకి..

దిశ, సినిమా: ఛత్రపతి శివాజీ మహారాజ్ 392 వ జయంతి సందర్భంగా అతని జీవితాన్ని సినిమాగా తెరకెక్కించబోతున్న ట్లు నిర్మాణ సంస్థ ఎరోస్ ఇంటర్నేషనల్ తాజాగా ప్రకటించింది. 'బాల్ శివాజీ' పేరుతో రూపొందించనున్న ఈ చిత్రాన్ని ఆనంద్ పండిత్ మోషన్ పిక్చర్స్- రవి జాద్ ఫిల్మ్స్- లెజెండ్ స్టూడియోస్ సంయుక్తంగా నిర్మిస్తున్నట్లు తెలుపుతూ సోషల్ మీడియాలో ఫస్ట్‌లుక్‌ మోషన్ పోస్టర్ రిలీజ్ చేశారు. ఈ మేరకు హిందీ, మరాఠీ భాషల్లో తెరకెక్కించనున్నట్లు తెలిపిన డైరెక్టర్ రవి జాదవ్.. 'శివాజీ నిజ జీవిత ఘటనలను వెండితెరపైకి సన్నివేశాలు గా మలచడం కోసం దాదాపు 8 ఏళ్లుగా రీసెర్చ్ చేస్తున్నాను.

హిందూ పద్ పాద్ షాహీగా పేర్గాంచిన శివాజీ జీవితంలో 12- 16 సంవత్సరాల మధ్య కాలంలో జరిగిన సంఘటనల నేపథ్యంలో ఈ చిత్రం రూపుదిద్దుకోబోతోంది. హిందూ సామ్రాజ్య నిర్మాణం, స్వదేశీ వంటి అంశాల విషయమై శివాజీ మదిలో బీజం పడింది ఆ సమయంలోనే. 1630లో జన్మించిన శివాజీ భారత దేశాన్ని పరిపాలించిన మహా రాజులలో ప్రత్యేకమైన వ్యక్తి. ఆయన జీవితం లోని అపూర్వ ఘట్టాలను తెలిపే ఈ సినిమాలో భాగస్వామ్యం కావడం ఆనందంగా ఉంది' అన్నారు.