త్వరలో హీరోగా ఎంట్రీ ఇవ్వనున్న స్టార్ యాంకర్ కుమారుడు ?

దిశ, వెబ్‌డెస్క్ : టాలీవుడ్ స్టార్స్ తమ పిల్లలను సినీ పరిశ్రమలోకి అడుగు పెట్టించడానికి చాలా మంది మొగ్గుచూపుతూ ఉంటారు. ఎందుకంటే వారి పిల్లలు కూడా పెద్ద స్టార్ హీరో లేదా హీరోయిన్ అవుతారని వారి ఆశ. అయితే కొంత మంది స్టార్స్ పిల్లలు మాత్రమే సినీఇండస్ట్రీలో విజయం సాధిస్తే మరికొందరు విఫలమయ్యారు. అయితే టాలీవుడ్‌లో ప్రస్తుతం మరో గుస గుస వినిపిస్తోంది. ఓ స్టార్ యాంకర్ కుమారుడు వెండితెరపై అల్లరి చేయడానికి రెడీ అవుతున్నట్లు సమాచారం. నటుడు రాజీవ్ కనకాల, స్టార్ యాంకర్ కుమారుడు రోషన్ త్వరలో ఓ సినిమాతో ప్రేక్షకుల ముందుకు రానున్నట్లు తెలస్తోంది. స్టార్ యాంకర్ అయినప్పటికీ, రాజీవ్ ప్రముఖ క్యారెక్టర్ ఆర్టీస్ట్ అయినప్పటికీ, ఇద్దరూ తమ పిల్లలను టీవీ ప్రపంచానికి లేదా వెండితెరకు పెద్దగా బాల నటులుగా పరిచయం చేయలేదు. అయితే ఇప్పుడు, రోషన్ అతి త్వరలో హీరోగా అరంగేట్రం చేయడానికి సిద్ధమవుతున్నట్లు తెలుస్తోంది. ఉయ్యాల జంపాలా ఫేమ్ విరించి వర్మ దర్శకత్వం వహించనున్న ఓ సినిమాలో రోషన్ హీరోగా కనిపించనున్నారు. ఈ చిత్రానికి జోంబీ రెడ్డి ఫేమ్ ప్రశాంత్ వర్మ కథను అందించారు. రెండు కోట్ల వ్యయంతో తెరకెక్కనున్న ఈ ప్రాజెక్ట్‌ను ఓ ప్రముఖ ప్రొడక్షన్‌ హౌస్‌ బ్యాంకింగ్‌ చేసేందుకు సిద్ధమవుతున్నట్లు సమాచారం. గోదావరి నేపథ్యంలో సాగే ఈ చిత్రం కథ రొమాంటిక్ కామెడీగా ఉండబోతుందని సమాచారం.