థాంక్యూ ప్రీరిలీజ్ ఈవెంట్‌‌లో నాగ చైతన్య ఎమోషనల్ స్పీచ్

దిశ, సినిమా : అక్కినేని నాగ చైతన్య నటించిన 'థాంక్యూ' మూవీ ఈ నెల 22న విడుదల కానుంది. శనివారం నిర్వహించిన ప్రీ రిలీజ్ ఈవెంట్‌‌లో మాట్లాడిన నాగ చైతన్య తన అభిమానులందరికీ కృతజ్ఞతలు తెలిపాడు. 'నా సినీరంగ ప్రవేశానికి నాన్న, తాతనే స్ఫూర్తి. కానీ నేను నా పనిని ఇష్టపడి మంచి సినిమాలు చేయడానికి మాత్రం కారణం మీరే. నాపై మీ అభిమానాన్ని చూస్తుంటే నాకు నమ్మకం కలుగుతుంది' అన్నారు.

ఇంకా వైజాగ్ గురించి మాట్లాడుతూ.. 'మీరు ఎక్కడ నుంచి వచ్చారనే విషయాన్ని ఎప్పుడూ గుర్తుంచుకోవాలి, లేకపోతే విధికి విలువ ఉండదు' అనే డైలాగ్ గుర్తు చేసుకున్నారు. ఈ డైలాగ్ వినగానే వైజాగ్ గుర్తొచ్చిందని, ఎందుకంటే తన సినిమాలు చాలా వరకు వైజాగ్‌లోనే షూటింగ్ జరుపుకున్నాయని చెప్పాడు. ఈ సందర్భంగా మూవీ యూనిట్‌తో పాటు నటీనటులు, సాంకేతిక సిబ్బంది అందరికీ ధన్యవాదాలు తెలిపారు.