వస్తున్నా.. తెలంగాణను రక్షించడానికి.. ఎన్టీఆర్ సీన్‌తో టీ కాంగ్రెస్ వినూత్న ప్రచారం

దిశ, డైనమిక్ బ్యూరో: కాంగ్రెస్ పార్టీ తెలంగాణలో అధికారంలోకి వస్తే 6 గ్యారెంటీ పథకాలను అమలు చేస్తామని హామీ ఇచ్చిన విషయం తెలిసిందే. ఈ ఆరు గ్యారెంటీలను టీ కాంగ్రెస్ పార్టీ జోరుగా ప్రజల్లోకి తీసుకెళుతుంది. ఈ నేపథ్యంలోనే సోషల్ మీడియాలో టీ కాంగ్రెస్ జోరుగా ఆరు గ్యారెంటీలపై ప్రచారం చేస్తోంది. ఈ సందర్భంగా ఇవాళ ట్విట్టర్ వేదికగా టాలీవుడ్ సినిమా ఆర్ఆర్ఆర్ కు సంబంధించిన ఒక వీడియో మార్ఫింగ్ చేసి రాహుల్ గాంధీ ఫేస్ క్రియేట్ చేసి ఓ ఎడిట్ వీడియో రిలీజ్ చేశారు. ఇది తాజాగా వైరల్ గా మారింది. టీ కాంగ్రెస్ ఈ వీడియో పోస్ట్ చేస్తూ..‘వస్తున్నా..దొర గడీలో బందీ అయిన తెలంగాణను రక్షించడానికి.. అంటూ ఆరు గ్యారెంటీలు మహాలక్ష్మి పథకం, రైతు భరోసా పథకం, గృహ జ్యోతి పథకం, ఇందిరమ్మ ఇళ్లు పథకం, యువ వికాసం పథకం, చేయూత పథకం గురించి పోస్ట్ చేశారు.