తెలంగాణ కాంగ్రెస్ ఆరు గ్యారంటీలు ఇవే

దిశ, వెబ్‌డెస్క్: వచ్చే ఎన్నికల్లో అధికారమే లక్ష్యంగా కాంగ్రెస్ పార్టీ ఆరు గ్యారంటీలను ప్రతిష్టాత్మకంగా తీసుకున్న విషయం తెలిసిందే. ఈ గ్యారంటీలను తుక్కుగూడ బహిరంగ సభలో పార్టీ అధినేత్రి సోనియా గాంధీ ప్రకటించారు. కాంగ్రెస్ ఇచ్చిన మాటకు కట్టుబడి ఉందని తెలిపారు. రాష్ట్రం ఇచ్చిన వ్యక్తిగా అభివృద్ధి చేసే బాధ్యత తమపై ఉందని వెల్లడించారు. తమ పార్టీ అధికారంలోకి వచ్చిన నెల రోజుల్లోపే ఇచ్చిన హామీలన్నీ అమలు చేస్తామని స్పష్టం చేశారు.

ఆరు గ్యారంటీలు :

1. మహాలక్ష్మి స్కీమ్ – మహిళలకు ప్రతి నెలా రూ. 2,000 సాయం. ఆర్టీసీ బస్సుల్లో ఉచిత ప్రయాణం. రూ. 500కే వంట గ్యాస్ సిలిండర్.

2. రైతుభరోసా – రైతులు, కౌలురైతులకు ఏటా రూ. 15,000 పంట పెట్టుబడి సాయం. వ్యవసాయ కూలీలకు సంవత్సరానికి రూ. 12,000 సాయం. వరి పంటకు ప్రతి క్వింటాల్‌కు రూ. 500 బోనస్.

3. గృహజ్యోతి – ప్రతి కుటుంబానికి 200 యూనిట్ల వరకు ఉచిత కరెంటు.

4. ఇందిరమ్మ ఇండ్లు – ఇల్లు లేనివారికి ఇంటి స్థలంలో నిర్మాణానికి రూ. 5 లక్షల సాయం. ఉద్యమకారుల కుటుంబాలకు 250 చ.గజాల స్థలం కేటాయింపు.

5. యువ వికాసం – విద్యార్థులకు రూ. 5 లక్షల విద్యా భరోసా కార్డు. ప్రతీ మండలంలో తెలంగాణ ఇంటర్నేషనల్ స్కూల్స్.

6. చేయూత – నెలకు రూ. 4,000 చొప్పున పింఛను. రూ. 10 లక్షల వరకు రాజీవ్ ఆరోగ్యశ్రీ బీమా