అంగరంగ వైభవంగా ధ్వజస్తంభ ప్రతిష్ట

దిశ మానోపాడు (అలంపూర్): మానవపాడు మండలంలో బోరవెల్లి గ్రామంలో గురువారం నూతన జమ్ములమ్మ ఆలయంలో ధ్వజస్తంభం ప్రతిష్టాపన కనుల పండుగగా గ్రామస్తులు నిర్వహించారు. ఉదయం నుంచి ఆలయంలో గణపతి పూజ, ప్రత్యేక హోమం, అమ్మవారికి అభిషేకాలు నిర్వహించి భక్తులు సందడి చేశారు. వేద పండితుల వేదమంత్రాల నడుమ ప్రతిష్టాపన కార్యక్రమాన్ని ఉత్సవ కమిటీ ఘనంగా నిర్వహించారు. గ్రామంలోని చిన్న,పెద్ద అని తేడా లేకుండా ప్రతి ఒక్కరూ ప్రతిష్ట కార్యక్రమానికి పాల్గొని అమ్మవారిని దర్శించుకుని మొక్కులు చెల్లించుకున్నారు.