ఫస్ట్ లిస్టులో రేవంత్ ముద్ర.. 11 మందికి టెకెట్లు ఖరారు
దిశ, తెలంగాణ బ్యూరో: పీసీసీ చీఫ్‌ హోదాలో రేవంత్‌రెడ్డి కొత్తగా పార్టీలోకి తీసుకొచ్చినవారిలో చాలా మందికి ఫస్ట్ లిస్టులోనే టికెట్ తెప్పించుకున్నారు. మొత్తం ఆయన ద్వారా పార్టీలో చేరిన 11 మందికి టికెట్ కన్‌ఫర్మ్ అయింది. మైనంపల్లి హన్మంతరావు (మల్కాజిగిరి), ఆయన కుమారుడు రోహిత్ (మెదక్), వేముల వీరేశం (నకిరేకల్), పరమేశ్వర్‌రెడ్డి (ఉప్పల్), ముత్యాల సునీల్ రెడ్డి (బాల్కొ,డ), కసిరెడ్డి నారాయణరెడ్డి (కల్వకుర్తి), జూపల్లి కృష్ణారావు (కొల్లాపూర్), కూచుకుళ్ళ రాజేశ్‌రెడ్డి (నాగర్‌కర్నూల్), వినయ్ కుమార్ రెడ్డి (ఆర్మూరు), ఏ.చంద్రశేఖర్ (జహీరాబాద్), సరితా యాదవ్ (గద్వాల), మహిళా కాంగ్రెస్ అధ్యక్షురాలు సునీతారావ్ (గోషామహల్) తదితరులందరికీ స్క్రీనింగ్ కమిటీ, కాంగ్రెస్ సెంట్రల్ ఎలక్షన్ కమిటీ ద్వారా తనదైన శైలిలో చర్చలు జరిపి టికెట్ ఖరారు చేసుకున్నారు. నిర్మల్‌లో ఏలేటి మహేశ్వర్‌రెడ్డితో విభేదాలు కొనసాగిన తర్వాత ఆయన పార్టీ విడిచి బీజేపీలో చేరడంతో ఆ స్థానంలో కూచాడి శ్రీహరిరావును చేర్చుకున్నారు. ఫస్ట్ లిస్టులోనే ఆయన పేరును ఖరారు చేయించుకున్నారు.
