2023 సీఎం అయ్యే యోగం ఆయనకే ఉంది.. వేణు స్వామి కామెంట్స్ వైరల్!
దిశ, వెబ్‌డెస్క్: గత కొద్ది కాలంగా అసెంబ్లీ ఎన్నికలపై రాష్ట్రమంతటా ఉత్కంఠ నెలకొంది. ఎట్టకేలకు పోలింగ్ ముగిసింది. రేపు ఫలితాలు విడుదల కానుండగా.. ఫలితాల కోసం అందరూ ఆసక్తిగా ఎదురు చూస్తున్నారు. ఏ పార్టీ అధికారంలోకి వస్తుంది? ఎవరు సీఎం కుర్చీ దక్కించుకుంటారనేది ప్రస్తుతం హాట్ టాఫిక్‌గా మారింది. ఇదే విషయమై తెలుగు రాష్ట్రాల్లో జోరుగా బెట్టింగులు కూడా జరుగుతున్నాయి. అంతేకాకుండా పలు సర్వేలు కూడా విడుదలయ్యాయి. అందులో కాంగ్రెస్ పార్టీ అధికారంలోకి వస్తుందని తేలింది.
ఇదిలా ఉంటే.. గతంలో ఓ ఇంటర్వ్యూలో పాల్గొన్న వేణు స్వామి 2023 సీఎం అయ్యేది ఎవరనే దానిపై ఆసక్తికర కామెంట్స్ చేశారు. ఈ వ్యాఖ్యలు మరోసారి నెట్టింట వైరల్ అవుతున్నాయి. ‘‘ 2023లో బీఆర్ఎస్ విజయం సాధిస్తే.. కేసీఆర్ ముఖ్యమంత్రి కారు. ఈసారి డైరెక్ట్‌గా కేటీఆర్ సీఎం అవుతారు. కేటీఆర్ జాతకం ప్రకారం.. సీఎం అయ్యే యోగం ఆయనకే ఉంది. అయితే 2023లో బీఆర్ఎస్ అధికారంలోకి వస్తేనే అధి సాధ్యమవుతుంది. సీఎం కావాలంటే బలమైన గ్రహాలు అనుగ్రహించాలి. ఎమ్మెల్యే స్థాయి వేరు, మంత్రి స్థాయి వేరు.. ముఖ్యమంత్రి కావాలంటే గ్రహాలు అనుకూలించాలి. కేసీఆర్ చంద్రమంగళ యోగం ఉంది అందుకే ఆయన పదేళ్లు సీఎం అయి పాలించారు’’ అంటూ చెప్పుకొచ్చారు. ప్రస్తుతం వేణు స్వామి కామెంట్స్ సోషల్ మీడియాలో చక్కర్లు కొడుతున్నాయి.
