YS షర్మిలకు బిగ్ షాక్.. బీఆర్‌ఎస్‌లోకి కీలక నేత?
దిశ, వెబ్‌డెస్క్: తెలంగాణలో ఎన్నికలు సమీపిస్తోన్న కీలక సమయంలో వైఎస్‌ఆర్‌టీపీ అధ్యక్షురాలు షర్మిలకు బిగ్ షాక్ తగిలే అవకాశం ఉన్నట్లు కనిపిస్తోంది. పార్టీ కీలక నేత, ప్రముఖ సింగర్ ఏపూరి సోమన్న అధికార పార్టీ అయిన బీఆర్ఎస్‌లో చేరేందుకు సిద్ధమైనట్లు తెలుస్తోంది. శుక్రవారం రాష్ట్ర మంత్రి, బీఆర్ఎస్ వర్కింగ్ ప్రెసిడెంట్ కేటీఆర్‌ను సోమన్న మర్యాదపూర్వకంగా కలిశారు. ఈ క్రమంలోనే తన నిర్ణయాన్ని కేటీఆర్‌తో సోమన్న చెప్పగా.. కేటీఆర్ సైతం వెంటనే స్వాగతించినట్లు సమాచారం.
ఈ సమావేశంలో ప్రభుత్వ విప్, ఎమ్మెల్యే బాల్క సుమన్, ఎమ్మెల్సీ దేశపతి శ్రీనివాస్, సీనియర్ నాయకులు దాసోజు శ్రవణ్ తదితరులు పాల్గొన్నారు. కాగా, ప్రస్తుతం షర్మిల స్థాపించిన వైఎస్‌ఆర్‌టీపీ పార్టీలో సోమన్న కొనసాగుతున్నారు. ప్రజా ప్రస్థానం యాత్రలో భాగంగా తుంగతుర్తి నియోజకవర్గంలో ఏర్పాటు చేసిన బహిరంగ సభలో సోమన్నకు తుంగతుర్తి టికెట్‌ను ఖరారు చేసింది. ఈ విషయాన్ని షర్మిల బహిరంగంగా ప్రకటించింది. అయితే, ఎన్నికల వేళ అనూహ్యంగా సోమన్న బీఆర్ఎస్‌లో చేరడానికి సన్నహాలు చేయడంపై షర్మిల ఏ విధంగా స్పందిస్తుందో చూడాలి. కాగా, షర్మిల సైతం కాంగ్రెస్‌ పార్టలో చేరేందుకు తీవ్రంగా యత్నిస్తోంది.
