ప్రధాని మోడీ సభలో బాహుబలి-2 ఇంటర్వెల్ సీన్ రిపీట్ (వీడియో)
దిశ, వెబ్‌డెస్క్: హైదరాబాద్‌లోని ఎల్బీ స్టేడియంలో బీజేపీ తెలంగాణ ఆధ్వర్యంలో బీసీల ఆత్మగౌరవ సభ నిర్వహించారు. ఈ సభలో ప్రధాని నరేంద్ర మోడీతో పాటు జనసేన అధినేత పవన్ కల్యాణ్ కూడా పాల్గొన్నారు. ఈ సందర్భంగా ప్రధాని మాట్లాడుతూ.. ఎల్బీ స్టేడియంతో తనకు అనుబంధం ఉందని, పదేళ్ల క్రితం ఈ స్టేడియంలో ప్రజలు ఆశీర్వదించడంతో తాను ప్రధానిని అయ్యానని వ్యాఖ్యానించారు. ఇదే మైదానం సాక్షిగా ఇప్పుడు తెలంగాణకు బీసీ ముఖ్యమంత్రి రాబోతున్నారన్నారు.
నాటి నా సభలో ప్రసంగం కోసం టిక్కెట్ పెట్టారని, దేశంలోనే ఇదో కొత్త ప్రయోగం అన్నారు. ఇదిలా ఉండగా.. తెలంగాణలో బీజేపీకి మద్దతు ప్రకటించిన పవన్ కల్యాణ్‌ను ప్రధాని మోడీ అభినందించారు. మేరే సాత్ పవన్ హై(మాతో పవన్ కల్యాన్ ఉన్నాడు) అని మోడీ వ్యాఖ్యానించారు. దీంతో ఎల్బీ స్టేడియం మొత్తం దద్దరిల్లిపోయింది. ప్రధాని మోడీ ప్రసంగంలో పవన్ కల్యాణ్ పేరు ఎత్తగానే బీజేపీ కార్యకర్తలు, పవన్ కల్యాణ్ అభిమానులు అరుపులు, కేకలతో హోరెత్తించారు. ప్రస్తుతం దీనికి సంబంధించిన వీడియోలు సోషల్ మీడియాలో వైరల్‌గా మారాయి. బాహుబలి-2 ఇంటర్వల్ సీన్ మరోసారి రిపీట్ అయిందంటూ ఫ్యాన్స్ సోషల్ మీడియాలో పోస్టులు పెడుతున్నారు.
Just Bahubali 2 interval sequence repeated 🥵🔥🔥#PawanKalyan #NarendraModi #JSPBJPALLIANCEpic.twitter.com/5oJXngcrzN
— Asif (@DargaAsif) November 7, 2023
