ఎన్నికల ముందు ఇచ్చిన ప్రతి హామీని నెరవేరుస్తాం : ఎమ్మెల్యే

దిశ, సంగెం: సంగెం మండలం గౌడ కమ్యూనిటీ హాల్ లో నిర్వహించిన విలేకరుల సమావేశంలో పరకాల శాసన సభ్యులు రేవూరి ప్రకాశ్ రెడ్డి హాజరైనారు. ఎమ్మెల్యే మాట్లాడుతూ… రాజకీయ దురుద్దేశంతోనే బీఆర్ఎస్ నాయకులు విమర్శలు చేస్తున్నారని వారు చెప్పే మాయమాటలకు ప్రజలు మోసపోవద్దని, రైతులను ఒప్పించి మామునూర్ ఎయిర్ పోర్ట్ క్లియరెన్స్ కు కృషి చేయడం జరిగిందని, నేను ఎమ్మెల్యేగా గెలిచిన వెంటనే టెక్స్ టైల్ పార్కును సందర్శించి ప్రత్యేక శ్రద్ధతో కృషి చేశానన్నారు. గత ప్రభుత్వ పాలకులు రాష్ట్రాన్ని అప్పుల కుప్పగా మార్చారని, ఎన్నికల ముందు ఇచ్చిన హామీలను అమలు చేస్తున్నామని, టెక్స్ టైల్ పార్క్ లో భూములు కోల్పోయిన వారికి 863 ఇందిరమ్మ ఇండ్లును 43.51 కోట్లతో మంజూరు చేశామని, కూడా లే అవుట్స్ కి 2.17 కోట్లు మంజూరు చేయడం జరిగింది అన్నారు. ఈ కార్యక్రమంలో కాంగ్రెస్ నాయకులు కార్యకర్తలు తదితరులు పాల్గొన్నారు.