శరవేగంగా మరమ్మత్తు పనులు చేపట్టిన రైల్వే అధికారులు..

దిశ, కేసముద్రం: ఎడతెరపు లేకుండా కురిసిన వర్షాలకు కేసముద్రం మండలంలో తాళ్లపుసపల్లి ఇంటికన్నె గ్రామాలలో గల రైల్వే ట్రాక్ లు వరద బీభత్సానికి ఆదివారం కొట్టుకుపోయాయి. దీంతో వెంటనే స్పందించిన రైల్వే అధికారులు సోమవారం ట్రాక్ మరమ్మత్తు పనులను చేపట్టారు. ఈ నేపథ్యంలో సంఘటన స్థలంలో చేపడుతున్న మరమ్మత్తు పనులను దక్షిణ మధ్య రైల్వే జీఎం అరుణ్ కుమార్ జైన్ స్వయంగా పరిశీలించారు. రైళ్ల రాకపోకలకు ఎలాంటి అంతరాయం కలగకుండా పనులను వేగవంతం చేయాలని అధికారులను ఆదేశించారు. ఈ కార్యక్రమంలో సీఆర్పిఎఫ్ పోలీస్ జిల్లా అధికారులు, రైల్వే అధికారులు తదితరులు పాల్గొన్నారు.